<County: Lancashire>
<Code: L0021a>
<MS reference: Oxford, Bodleian Library, Rawlinson A 389>
<Text: Rolle, Ego Dormio>

<fol. 77r><lat>**EGO DORMIO & COR MEUm VIGILAT .<lat/> *yE yAT LYSTE LUF HELD yINE ERE 
AND HERE OF LUF. *JN yE SANG OF LUF *J FYNDE IT WRITEN yAT *J
HAUE SETT AT yE BEGYNNYNGE OF MY WRYTYNGE . *J SLEPE AND
MY HERT WAKES . MYKELL LUF HE SHEWES ; yAT NEUerE IS IRKE TO LUF .
BOT AY STANDANDE . SISTANDE . GANGANDE . OR ANY OTHER DEDE DOANDE OS
AY HIS LUF THYNKAND AND OFT-SITHE yER-OF DREMAND . *FOR-YI yAT *J
LUF yE *J WOGH yE yAT *J MYGHT HAUE yE AS *J WILDE NOGHT TILLE ME
BOT TILL MY LARD *J WILLE BE COMER~ AND MESSAGER~ TO BRYNG YE TILL
HIS BED yAT HAS MADE yE AND BOGHT yE CRISTE yE KYNGES SONn OF
HEUEN FOR HE WILL WED yE IF yOU WILLE LUF HYM . HE ASKES yE
NA MARE . BOT yI LUF . *AND MY WILLE yOU DOSE ; IF yOU LUF HYM .
*CRIST COUAYTES YI FAIREHEDE I%N SAULE yAT YOU GyF HYM HALELY
yI HERT . AND *J PRECHE NOGHT ELLYS ; BOT yAT yOU DO HIS WILL AND
AFFORCE yE DAY & NYGHT TO LEFE ALLE FLESCHELY LUF AND AL LIKYNG
yAT LETT<ill><1 letter><ill>S yE TO LUF IHesU CriST VERRAYLY . FOR *J-WHILS yI HERT IS HEL#
DANDE TO LUF OF ANY BODYLY THyNG ; yOU MAY NOT ParFITLY BE CUIPILDE
WIT GOD. <pph> *JN HEUEN ER IX ORDIRS OF AUNGELS YAT ARE CONTEYD
IN THRE *JERARCHIES yE LAGHESTE *JERARCHY CONTENYS AUNGELS ARCHAn#
GELS . VERTUz yE MYDDES *JERARCHI CONTENYS <lat>*POTESTATES . *PriNCI%PA#
TUS . DomiNACOnES . *yE HEGHEST *JERARCHI yAT NEXT IS TIL GOD COnTENYS
TRONYS *CHERUBYN AND *SARAPHYN . yE LAGHEST ORDIR IS AUNGELS
yE HEGHEST *SERAPHYN . *AND yAT ORDIR yAT LEST IS BRYGHT ; IS SEUEN
SA BRYGHT AS IS yIS SONn . *AND AS yOU SEES yE SONn BRYGHTER~ YAN
YE CANDEL . yE CANDEL BRYGHTER~ yAN yE MONE . yE MONE BRYGHTER
yAN yE STerNYS . *ALSWA ARE yE ORDERS OF AUNGELS IN HEUEN ILKANE
BRIGHTER yAN OTHER FRA AUNGELS TILLE SERAPHYN . yIS *J SAY TO
KYNDEL YI HERT TO COUAYTE YE FELAWSCHYP OF AUNGELS . FOR ALLE
yAT ARE GODE AND HALY WHEN yEI . PASSE OF yIS WERLD SALLE BE
TAKYN I%N TILL YI%RE ORDERS . SOM TIL YE LAWEST ; yAT HAS LUFED
GOD MYKEL . SOM TO yE MYDDES . yAT HAS LOUED GOD MARE . OTHER~
TIL yE HEGHEST ; yAT MAST LUFES GOD . AND BRENNANDEST ER~ In IS
LUFE *SERAPHYN . IS AT SAYE BRYNNANDE TILLE WHILKE ORDIR~ yAI ER
RECEYFEDE . YAT LESTE COUAYTES INn yIS WERLD AND MAST SWETNES
FELYS IN GOD AND BRENNAND HERTIS HAN IN LUFE . <pph> *TILLE yE *J
WRYTE yIS SPECIALY FOR *J HOPE IN yE MARE GUDNES YAN I%N ANI
<fol. 77v>OTHER YAT y\U WILLE GYF yI THOGHT TO FULFILLE IN DEDE yAT yOU SEES IS
ProFITABLE FOR~ YI SAULE . AND YAT LYF GyF yE TILLE ; I%N yE WHILKE yOU
MAY HALELyESTE OFFER yI HERT TILLE IHesU CRYST AND LESTE BE In BYSY#
NES OF yIS WERLD *FOR~ IF yOU WILLE STABILLY LUF GOD & BRENNAnDLY
WHILES yOU LYFES HERE WITH-OUTEHn DOUTE yI SETYLL ES ORDANED
FOR yE FUL HEGH AND IOYFULL BEFORE yE FACE OF GOD YMANGES
HALY AUNGELS . *FOR IN YE SELF DEGRES yARE PROUDE DEUYLS FELLE
DOWNE ER MEKE MEN AND WYMmEN CRISTES DOUFYS SETT I%N-TO HAF
REST AND IOYE WITH-OUTEN ENDE FOR A LITTUL SCHORT PENAUNCE
& TRAUAILE yAT YEI HAFE SUFFREDE FOR GODDES LUF . <pph> YE THYNKE
NOW PerAUENTURE HARDE TO GYF yI HERT FRA ALLE ERTHLY THYNGE
FRA YDIL SPECHE . FRA AL FLESCHELY LUF . AND GA BY yI%NE ANE TO WAKE
& PRAY . AND YI%NKE yE IOYE OF HEUEN & TO HAUE COMPASSION OF yE
PASSION OF IHesU CRIST AND TO YMAGYN YE PYNE OF HELLE yAT IS
ORDEYNED FOR SYNFUL+MEN . *BOT WITTERLY FRA yAT YOU BE VSED yER#
I%N ; yE WIL yI%NKE IT LIGHTER & SWETTER YEN EUER YE DYD ANY ERTH#
LY SOLACE . / *ALSO SONE AS yI HERT IS TOCHED WIT YE SWETNES OF HEUE
yE WIL LITEL LISTE yE MYRTH OF YIS WERLDE . AND WHEN YOU FELYS
IOYE I%N *CriSTES LUF ; YE WIL LATHE WIT YE IOYE & YE COMFORD OF ERTH#
LY GAmMYN . *FOR ALLE yE MELODYE . ALLE yE RYCHES ALLE yE DELITES
yAT ALLE yE MEN In yIS WORLD KAN ORDEYNE OR THYNKE ; SEMES
& ES BOT NOY & ANGYR~ TIL A MAnNYS HERTE . yAT VERRAYLY IS BREN#
NAND In yE LUF OF GOD . FOR HE HAS MYRTH & MELODIE OF AUNGEL
SANGE AS YOU MAY WIL WYI%T . *JF YOU LEFE ALLE THYNGE yAT yE
LISTE FLESCHELY & HAUE NA THOWGHT OF yI SYB FRENDYS BOT FOR#
SAKE ALLE FOR GODDES LUF . AND ANELY GYF yI HERTE TO COUAYTE GOD#
DES LUF AND TO PAYE HI%M . MARE IOYE yOU SCHAL FYNDE In HYM
yAN *J KAN THYNKE HOWE MYGHT *J YAN WRYTE HIT *J WAT NA#
UER IF MANY MEN BE I%N SWILKE LUF FOR AY YE HEGHER YAT YI
LYFE ES ; yE FAER FOLOWERS IT HAS HERE . *FOR MANY THYNGES
DRAWES MEN FRA GODDES LUF YAT yOU MAY HERE & SEE . YAT GOD
COMFORTES HIS LUFERS MARE YAN yEI WENE yAT LUFES HYM
NOGHT . *FOR OF WE SEME I%N PENANCE WIT-OUTEN ; WE SALLE HAUE
FUL MYKEL IOYE WITHIN . IF WE ORDEYNE VS WYSELY TO GODDES
SERUYS AND SET I%N HYM ALLE OURE THOGHTES & FORSAKE VANITE .
<pph> *GYF ALLE YI%NE ENTENTE TO VNDERSTONDE YIS WRYTYNG . IF
<fol. 78r>yOU HAUE SET YI DESIRE TO LUF GOD . HERE yERE THRE DEGRES OF LUF :
SWA yAT yOU MAY RYSE FRA ANE TIL A-NOTHER TILLE yOU BE AT yE
HEGHESTE FOR *J NE WIL NOT HIL FRA yE YAT *J HOPE MA TORNE YE
TILLE HALYNES <pph> *yE FIRST DEGRE OF LUF ES : WHEN A MAN HALDES
yE TEN COmMAUNDEMENTES AND KEPES HEM FRA yE SEUEN DEDLY
SYNNES AND IS STABUL I%N yE TROUTHE OF HALY KIRKE . AND WHEN
A MAN WILLE NOGHT FOR ANY ERTHLY THYNGE WRETH GOD . BOT
TREWLY STANDES I%N HIS SERUI%CE . AND LASTES YARE-I%N TILLE HIS LYFES
ENDE <pph> YIS DEGREE OF LUFE BY-HOUES ILKE MAN HAUE yAT WILLE
BE SAFE . FOR NA MAN MAYE COME TILLE HEUEN : BOT IF HE LUF GOD
AND HIS NEGHBUR WITH-OUTEN PRYDE . IRE AND ANY BAKBYTYNG~
AND WITH-OUTEN ALLE OTHER WEnNYMOUSE SYNNES AS SLAWNES
GLOTERY AND LICHERY AND COUAYTYS . FOR YERE VICES SLAES yE
SAULE & MAKES HIT TO DEPART FRA GOD YAT ES LYFE OF YE SAULE
*AND WHEN A WRECHED MAN OR WOmMON ES DEPARTED FRA GOD .
WE SAYE HE IS DED . FOR HE IS SLAYNE FRA GOD WITH-OUTEN WHAM
NA CREATURE MAY LYF . *ALS A MAn POYSUNDE IN A SWETE MORSELL
TAKES VENYM YAT SLAS HIS BODY . *SWA DOS A SYNFUL WRECHE In
LIKYNG AND LUST DESTROYES HIS SAULE AND BRYNGES HIT TILLE DEDE
WITH-OUTEN ENDE . *MEN YI%NKE HIT SWETE TO SYNNE . BOT YAIRE
HIRE yAT IS ORDAYNED FOR yAI%M ; ES BITTerER & GALLE . SOWRER
yAN ATTER WERS YAN ALLE YE WA yAT MAN CAN THYNK IN
ERTHE <pph> *ALLE PERISCHES & PASSES YAT WE WITH EGHE SEE . HIT
WANYS I%N TILL WRECHEDHEDE yE WELE OF YIS WORLDE *ROBYS
& RICHES ROTES IN YE DYCHE . PRYDE & PAYNTYNGE SLAKE SALLE In
SOROWE . *DELYTES AND DRORYS . STYNKE SALL FUL SONE ; YAI%RE
GOLD & YAIRE TRESOURE DRAWES YAI%M TIL DEDE . *ALLE yE WYKKED
OF yIS WERLDE DRYUES TIL A DALE . YAT YAI MAY SEE yAIRE SOROWYnGE .
YARE WA ES ALLE yE RABEL . *BOT HE MAY SYNGE OF SOLAS YAT LUFED
IHesU CRYST WHEN ALLE YE WRECCHES FRA WELE FALLES I%N-TILLE HELLE .
<pph> *BOT WHEN yOU HAS WEL LYFED IN YE COmMAUNDEMENTES OF
GOD . AND STYFFELY KEPED yE FRA ALLE DEDLY SYNNES . AND PAYDE+TILLE
CRISTE IN YAT DEGRE . VMTHYNKE yE YAT YOU WIL MARE LUF GOD
& DO BETTER~ WITH YI SAULE AND BYCOME ParFITE & yAN ENTERS yOU
IN-TILLE yE TOTHER DEGRE OF LUF . yAT ES TO FORSAKE ALLE yE WORLDE
AND yI FADER AND YI MODER & ALLE YI KYN & FOLOWE CRIST In PO#
<fol. 79v>UERTE . <pph> *JN yIS DEGREE YOU SCHALLE STODY HOWE CLENE YOU MAY BE IN
HERTE AND HOWE CHASTE IN BODY . AND GYF yE TILLE MEKENES SUF#
FRYNG & BOSUmNES AND LOKE HOW FAIRE yOU MAy MAKE yI SAULE
IN VERTUESE AND HATE ALLE VICES . SWA yAT yI LYFE BE GASTELY NOGHT
FLESCHELY NEUER-MARE SPEKAND ILLE OF YINE NEGHBUR NY GYF ANE
ILLE WORD FOR A-NOTHER . BOT ALLE yAT MEN SAYS ILLE OR GODE . SUF#
FIR HIT DEBONERLY . I%N YI HERT WITHOUTEN STIRRYNG OF WRETH .
*AND YAN SCHAL YOU BE I%N RESTE WITHIN AND LIGHTLY COME I%N-TO
GASTELY LYFE . yAT YOU SALLE FYNDE SWETTER yAN ANY ERTHELY THYNG~
<pph> *ParFITE LYFE AND GASTELY ES : TO DESPISE YE ERTH . COUAYTE YE IOYE
OF HEUEN . AND DESTROYE THURGH GODDES GRACE ALLE WIKKED DESIR~S
OF YE FLESCHE AND FORGETE yE SOLACE AND LIKYNG OF yI KYNREDYNE
AND LUF YAIM NOGHT BOT IN GOD WHETHIRE yA DYE OR LYF BE POR~
OR RyCHE . BE HALE OR SEKE . IN WA OR IN WELE . THANK yOU AY GOD
AND BLES HYM IN ALLE HIS WERKES ; FOR HIS DOMES ARE SO PriUE .
YAT NA CREATURE MAY COMPreHENDE yAIM . AND OFTSITH SUm MEN
HAS yAIRE LIKYNG AND yAIRE WELE IN yIS WORLD . AND HELL IN
yE TOTHIR . AND SUm MEN ES IN PYNE & PerSECUCIOUn & ANGUYS In YIS
LYFE : AND HAS HEUEN TIL YAIRE MEDE FOR-THY IF YI FRENDES BE
AY IN ES AND HELE & IN WELTH OF YIS WERLDE : YOU & yAI BATHE
MAYE yE MARE DREDE YAT YHE LOSE NOGHT yE IOIE WITH-OUTEN
ENDE . *JF yAI BE IN PENAUNCE . IN SEKENES OR IF YEI LYF RYGHT#
WYSLY YAI MAy TRAySTE IN GOD TO COME TO HIS BLISSE . *FOR-yI IN
yIS DEGREE OF LUF YOU SALLE SA BY FILDE IN GraCE OF yE HALY GAST
yAT YOU SAL NOGHT HAUE SOROWE NE GRATYNG BOT FOR GASTELY
THYNGE AND FOR YI SYNNES AND OTHER MENNYS AND AFTIR yE LUF
OF IHesU CriST AND IN THYNKYNG OF HIS PASSION AND yAT *J WILLE yAT
yOU HAFE MYKEL MYNDE OF FOR HIT WILL KYNDEL yI HERT TO SET
AT NOGHT ALLE YE GUDES OF yIS WERLDE AND ALLE yE IOYE & TO
DESIRE BRENNANDLY yE LIGHT OF HEUEN WITH AUNGELS AND HALOGHYS .
<pph> *AND WHEN YI HERT IS ORDAYNED HALELY TO yE SERUICE OF GOD &
ALLE WERLDES THOGHT IS PUTT OUTE : yAN WILLE YE LISTE STELE BE
YI NANE TO THYNK OF CRIST AND TO BE IN MYKEL PRAYNG FOR THO#
ROW GODE THOGHTES AND HALY PRAYERS . YI HERT SALLE BE MADE
BRENNANDE I%N yE LUF OF IHesU CRIST . AND yAN SALLE yOU FELE SWET#
<fol. 79r>NES AND GASTELY IOYE BATHE IN PRAYINGE AND IN THYNKYNG *AND WHEN
yOU ARTE BE YI NANE GYF yE MIKEL TO SAY YE PSALMES OF YE SAWTER
AND PATer NosteR . AND AUES *AND TAKE NOT TENT yAT YOU SAY MANy . BOT
yAT YOU SAY HOM WELE . AND IN ALLE yE DEUOCIOUn YAT YOU MAY.
LYFTANDE VP THY THOGHT TIL HEUEN . *BETTIR HIT IS TO SAY SEUEN
PSALMES IN DESYR OF CRISTES LUF HAFAND YI HERT ON yI PRAYI%NG .
yAN SEUEN HUNDRED SUFFRANDE YI THOGHT TO PAS IN VANITEES OF
BODILY THYNGE . WHAT GODE HOPES yOU MAY COM YER-OF IF YOU LAT
yI TONGE BLABI%R ON YE BOKE AND yI HERT RYNn A-BOUTE IN SERE STE#
DES I%N YE WERLD WHARE HIT WILL . *FOR-THY SET YI THOGHT In CRIST
AND HE SALLE REFE IT TILLE HYM AND HALDE HIT FRA YE VENYM OF
WERLDES BYSYNES . *AND *J PRAY YE AS YOU COUAYTES TO BE GODDES
LUFER . YAT YOU LUFE yIS NAME *JHesU . AND THYNK HIT I%N yI HERTE
SWA yAT yOU FORGETE HIT NEUER WHARSOMm yOU BE AND WITTerLY
*J HETE <ct> <supp>yE</sup> yOU SALLE FYNDE MYKELLE IOYE & COMFORT yerI%N . AND FOR YE
LUF YAT yOU LUFES IHesU SA TENDIRLY AND SA SPECIALY YOU SALLE BE
FILDE FULL OF GraCE I%N ERTH . AND BE CRISTES DER~ MAYDEN & SPOUSE
In HEUEN . *FOR NA THYNGE SA MEKILL PAYS GOD AS VERRAY LUF OF
HIS NAME IHesU . *JF yOU LUFE HIT RYGHT AND LASTANDLY & NEUer LET
FOR NA THYNGE yAT MEN MAY SAyE OR DO ; yOU SALLE BE RAYSED
I%N-TILLE A HEGHER LYFE yAN YOU CAN COUAYTE . *HIS GODENES ES SA
MEKILL . YAT YARE WE INWARDLY ASKE HYM OF ANE : HE WILLE
GYF VS THRE . SA WELE PAYED HE ES WHEN WE SET ALLE OURE
HERT TO LUF HYM . <pph> *JN YIS DEGRE OF LUF YOU SALLE OUERCOM
YI THRE ENMyS . YE WERLD . YE DEUEL AND YI FLESCHE . BOT NEUer
yE LATTER YOU SCHAL HAFE AY FIGHTYNG WHILS yOU LYFES AND
AY TIL yOU DYE BY-HOUES yE BE BYSY TO STANDE & TO FALLE NOGHT
I%N ILLE DELYTE NE IN ILLE THOGHT OR IN ILLE WORDE OR IN ILLE WERK
FOR-yI GRETE AUGH yI GERNYNGE TO BE YAT YOU LUF CRIST VERRAILY .
YI FLESCHE SALLE YOU OUER-COM THURGH HALDYNG OF YI MAYDEN#
HEDE FOR GODDES LUF ANELY . OR IF yOU BE NA MAYDUN THURGH
CHAST LYFYNGE I%N THOGHT AND I%N DEDE AND THURGH DISCRETE AB#
STI%NENCE AND RESONABLE SERUYSE . yE WERLD SALLE yOU OUer-COM
yOROW COUAYTYNG OF CRISTES LUF & THYNKYNGE OF HIS SWETE
NAME AND DESIRE TIL HEUEN . FOR ALS SONn AS YOU FELES SAUOWR
<fol. 79v> I%N IHesU YE WILLE THYNKE ALLE yE WERLDE NOGHT BOT VANI%TE AND NOYE
FOR MENNYS SAULES . YOU WIL NOGHT COUAYTE yAN TO BE RYCHE TO
HAUE MANY MANTILS AND FAIRE . MANY KIRTILS MANY DREURISE BOT
ALLE yOU WIL SET AT NOGHT AND DESPISE ALLE . AND TAKE NA MARE
YAN yE NEDES . yE WILLE THYNKE TWA MANTILS OR ANE J-NOGH ; 
YAT NOWE HAS FYFE OR SEX . FOR-YI GYF SOMm TIL CRIST YAT GAS NA#
KED AND PORE . AND HALD NOGHT TIL YE ALLE / YAT WATE NOGHT YI
LYFE TILLE YAY BE HALFE GANE . / YE DEUYL IS OUERCOmMEN WHEN YOU
STANDES STABILLY AGAYNS ALLE HIS FANDYNGES I%N SOTHFASTE CHARI#
TE ANDE MEKENES . *AND THYNKE ON ME yAT *J BE NOGHT FOR-GETEn .
I%N yI PRAYERES yAT IS A-BOUTE-WARDE yAT YOU WERE . DERE WITH 
CRISTE WHAS MerCY ME NEDYS . *J WILLE yAT yOU BE NEUER *JDEL
FOR BE AY OTHER SPEKAND OF GOD OR WIRKAND SOME NOTABUL WARKE
OR THYNKAND IN HYM AND PriNCIPALLY YAT YI THOGHT BE AY HAFAND
HYM IN MYNDE . *AND THYNK OFT YIS OF HIS PASSIOUn.