<County: Staffordshire>
<Code: L0729>
<MS reference: London, BL Sloane 3160, fols 160r.19-165v>
<Text: Medical recipes>


<fol. 160r><line 19>For the Axciens or the fevurs for bothe is won~ . take
and write vpon~ thre vbleys these wordes . <cross> <lat>pater
est alpha . <cross> filius est veritas . <cross> spiritus sanctus est remedium</lat>
and write opon~ þe furst vbley <lat>pater est alpha</lat> . and on~ the secunde
<lat>filius est veritas</lat> . and on~ the thridd <lat>spiritus sanctus est remediu~</lat> . and
then~ lett þe pasient take the furst on~ þe furst morou~ fasty<cropped>
and say . J . pater noster & an aue & a cred & on~ þe secund day the
secund vbley & þe pacient to say . ij pater noster & ij aues & ij cre<cropped>
and on~ þe thryd day the thrid vbley wt <lat>spiritus sanctus est remed<cropped></lat>
& the pacient to say . iij . p . n . & . iij . a . & iij . c . and wt the
my3t & lefe of all-my3ti~ god the pacient shall be hole
But summe bocus sayn that man schuld write in this maner
as her~ folous . / <lat>filius est vita <cross> pater est alpha & o <cross> spiritus sanctus
est remedium <cross></lat>
<fol. 160v>For the pestelens
<space for initial, with t indicated>Ake Savge Rue Mareguldus Beten~ dandelion~
Mugwort Wermot Tansy . Sentory . her~ byn~
nene herbus 3e shall take a lyke quantite of
ichon~ of these saide herbus & put hem~ to-gedur .
& bray hem~ small & put ther~-to good ale when~
hit is ponde & draw hit throw a clothe & in the
mornynge fastynge taketh . thre sponfull . & if
on~ hade the blake he shulde be save wt the grace
of god this is a medson~ ta3ht of conynge
surgions . vse hit dayly & that twelmonde 3e
shall be safe hit hathe be proved hit hathe byn~
gyu~ to thaym~ that hade the blake & he was
wholle 3e may make at onus to serue . iij . daies . //
Take por~ blades þt was neuer sett & rede cole leuys
& lappe hem~ in docke leues or ellis in colle leues &
rost hem~ in the hote hymures til þay byn~ tendr~ & .
þen bray hem~ and all hote lay hem~ to þe seke
wombe & if it do no ese take mercarre & pope sedes
& stampe hem~ smale & make xx balles þer-of & of
in mornynge take eure mornynge in ballis it is gode
for þe wombe . //
<lat>Medicina pro pestelencia</lat>
<space for initial, with t indicated>Ake auance Beten~ Tance & Marye-goldus &
a porcion~ of mader & grynd hom~ to-gedur &
take þe Just of hom~ & a gud porcion~ of triacull and
blynd hom~ to-gedur & gif hit to þe seke to drynke
a gud sponfull at onus & þt shall dryfe it a-way wt
godus grace so þt it be gifen~ to þe seke <blank space> ourus
wt-in that tyme þt it be comyn~ on~ hom~ . ///
<fol. 161r>Who-so haue dronken~ poysown~ .
<space for initial, with t indicated>Ake draganse & gladyn~ þat vexin on~ hi~ & take of iche
J-liche myche & stampe hem & temper hem~ wt wyne
and drinke hit &c~ <linefiller>
And if ann+addur haue bete a mon .
<space for initial, with t indicated>Ake sentorie & stampper hit and temper hit wt water &
if þe seke to drinke as gode it is for bestes as for mon~ . //
Anoþer for þe same . take and stampe rew & distemper hit wt
þi fastyng pisse & drink hit . / Another for the same . take
arment & distemper hit wt wyne or wt morow pisce & lat
it be wyll thike and drinke & he shall cast owte þe
worme wt þe venovme . <linefiller>
3if a wodd hownd haueth bete~ a mon~
<space for initial, with t indicated>Ake the sed of box and stampe it and temper hit
wt holi~ water and gef hit hym~ to drinke . //
anoþer take timbersu~ & puliole & sethe hem~ in water
and 3if hym~ to drinke & ley of þe howndes here þerto . /
Who-so haue þe scabbe
<space for initial, with t indicated>Ake the rote of horshele & stampe it & do it in a
sherd wt swynnus smer~ and seþe hym & wryng hit
owt in-to boystes & then smere the scabbe þer-wt of a mo<cropped>
or of a best or of horses & <lat>sanaberis</lat> . / <linefiller>
3if a mon be scaldid or J-brend .
<space for initial, with t indicated>Ake the fresche wombe of the swyn~ & melt it &
take the 3elke of eyron~ of iche on~ iliche myche
& tempur hem~ to-gedur & take a feder & smere the
sore þer-wythe on euen & on~ morne & take a col
lef or a docke & do þer-to till hit be hole vse this
medicyne . / <linefiller>
<fol. 161v>For a norisse þt lackus mylke
<space for initial, with t indicated>Ake the iews of fenell oþer of verueyn & drinke
hit wt whey of crodde oft tymus & þu shalt
haue mylke J-nowghe . / <linefiller>
For gowte hote or cold
<space for initial, with t indicated>Ake the wyld nepe & Marie of hors bonus &
sethe hem ˆ [to]geder and make a plaster þer-of
and lay on~ the sore gowte oþir bresowr~ . / <linefiller>
For gowte or breesowr~ or for þe fre+blod
<space for initial, with m indicated>Ake a drinke of osmvnd of cownferi & of
plankteyne dayisie Auence & Madur . of eueriche
Jliche myche & sethe hem in stale ale till
haluondele be sodon~ a-way & drinke it ix dayes
on morow hot on~ euen~ cold & <lat>sanaberis</lat> . / <linefiller>
For bleried eyn~
<space for initial, with t indicated>Ake calamyne & quenche it in white wyne
nyne sythe & thre sythe in womman~ mylke
and temper it wt capon~ gres . / &c~ <linefiller>
To do a-way a web in a+mannus eye .
<space for initial, with t indicated>Ake pepur & bren hit in a clowte & þen~ stampe
hit to powdur & medull+it wythe the marie
of a gose wynge~ & do it in þi eye &c~ . / <linefiller>
<lat></lat>
<lat></lat>
<lat></lat>
<lat></lat>
<lat></lat>
<lat></lat>
<lat></lat>
<lat></lat>
<fol. 162r><french>Pur le</french> stone
<space for initial, with t indicated>Ake rue persele & gromell sede & sethe hem~ in
a pynt of wyte wyn~ & gif hym~ to drinke on~
euen & on~ morne & when~ thay shon~ drinke chauff<cropped>
hit &c~
Who-so greyus aftur hete
<space for initial, with t indicated>Ake greynus . long pepur . saffron~ & sugur cande
a+peny-worthe of vchon & grynd hom~ to-gedu<cropped>
in a+marter . to poudur & gif the seke to drinke
ix . sythes on~ morow & on euen lwe . &c~ . / <linefiller>
A charme to staunche blod
<space for initial>fvrste þu most wytte the name of the man or
of the womman & then go to churche & say
this charme and loke þu say hit for no best but
wonly for mon or wommon . / When~ oure lord
ihesu criste was don~ on~ the croise then come
longius & stonge hym~ wt his spere in the syde
blod & watur come oute at þe wonde he wype<cropped>
his een & seghe anon throughe the vertue þat
god dede there J coniure the blod þt þu come
noghte oute of this cristen mon~ . N . and
nempne the name . <lat>Jn nomine patris & filij & spiritus
sancti</lat> . Amen . / Sey this charme thryes ne thar the
reche where the mon nor the wommon be so þt
þaw have the name <cross> . / <linefiller>
A souerayn medecyn~ for þe hed
<space for initial, with t indicated>Ake beteyn & verveyn & wermot celidoyne
weybrod & rewe walwort & sauge & . v .
cornes of pepur & stampe hom & sethe hem~ to-geder
in watur & euery day drinke þer-of fastynge / <linefiller>
<fol. 162v>For to sle wormus þt etyn mennus ee-lyddes
<space for initial, with t indicated>Ake salt & brenne hit and put hony þerto
and when~ hit is stamput lay þer-of to thi~
een~ when~ þu goos to <rbd>bedde</rbd> bedd . / <linefiller>
To do a-way þe webbe in a monnus ee .
<space for initial, with t indicated>Ake eufras a goud quantite & stampe hit & wryg~
hit throghe a clothe & þen take a porcion~ of
swynes & melte hem to-gedur & do the Jus
þerof to and kepe hit in a boyste & on~ euenys
anoynt þyn~ een~ þer-wt when þu gos to bedd
& the webbe shall wer~ a-way . / <linefiller>
Who-so haues lest his speche
<space for initial, with t indicated>Ake the Jus of sauge or of primerolle and do
hit in his mouthe and he shall speche
anon aftur . / <linefiller>
Who-so haues stynckyng~ brethe
<space for initial, with t indicated>Ake the blakemynt and þe Jus of Rewe of
bothe Jlyche myche and do hit in thi nese
thurlis & vse hit oft & ht woll mende . / <linefiller>
Who-so may not hold his pysse
<space for initial, with t indicated>Ake gotus talowes & bren~ ht and make poudur
þer~-of & lette the seke ete of the poudur in
his potage thries & he shall be hole . <linefiller>
<fol. 163r>For a mon~ þt is skaldet or brent
<space for initial, with t indicated>Ake the sword of a swyn~ & melte hit &
the 3olke of egges therto euon iliche myche
& melte hom~ to-geder & lett hom~ kele &
then~ take a fether and a-noynt the sor~ at
euon~ & at morne & lay a cole lefe þer-to & hit
shall be hole . / <linefiller>
For rede blaynus in a monnus face
<space for initial, with t indicated>Ake the rote of wayebrode and salte & þe
rote of burres & stampe hom~ to-gedur wt
gud eysell & washe thi~ face þer-wt . / <linefiller>
For to gete out a thorne
<space for initial, with t indicated>Ake the barke of hawethorne & brisse hit
will & sethe hit in rede wyn~ & do hit on
the sor~ as hote as þu may suffre & þe ranklyng
shall abate & the thorne shall com~ oute & þe
sor~ shall slake . <linefiller>
For bytyng of a wodd dogge
<space for initial, with t indicated>Ake rewe and staumpe hit and then~ take
hony and salte and make a plauster þer-of
and lay to þe sor~ . / <linefiller>
For luys take rue & poune hit & smer~ þi~ bodi~ þer-wt . //
<fol. 163v>For þe hed-warche
<space for initial, with t indicated>Ake sour~ whete bred & vynegre and . henbon~
sed and bray hem~ in a morter and lay hit on~
the hed be-fore & on~ bothe sydis when~ þu gos
to bedde . / <linefiller>
For prikyng~ of any thynge
<space for initial, with t indicated>Ake an+oynyon~ and rost hit in the fuyr~ and
pille hit and lay hit ther-to . <linefiller>
For stoppyng~ at þe brest
<space for initial, with t indicated>Ake rue and sethe hit in aysell and drinke
hit fastyng or elles drynke hit when~ þu
art most stoppyt at thi~ brest . // . <linefiller>
For a vayne þt is cut in too
<space for initial, with t indicated>Ake the blode that comus fro the vayne and
mel hit wyll wt oyle of olyue and a-noynt
the sor~ & bynd hit sone þerto & hit shall sone
sese the bledynge . <linefiller>
For an ee þat is hurte
<space for initial, with t indicated>Ake the Jus of egremoyne and the whyte
of an egge & medell hem~ to-gedyr on~ a lynon~
clothe <rbd>of</rbd> or of coton~ & lay hit on~ thyn~ eon~ . / <linefiller>
For the rynge-worme
<space for initial, with t indicated>Ake brimston~ and make hit smale and melle hit
wt blacke sope and a-noynt the rynge-worme
all a-boute <linefiller>
<fol. 164r>For to wytt if a mon~ þt is wondit shall
lyue or dye <linefiller>

<space for initial, with t indicated>Ake pimpernoll and stampe hit and temper hit
wt watur & gif hym~ to drinke . if he hold hit
he shall lyfe & if hit com~ oute he shall dye . <linefiller>
For wemmen~s brestes þt byn~ suollyn~ for mylke .
<space for initial, with t indicated>Ake dreggus of eysell and virgyn waxe and
make a plaster þer-of and lay þer-to . <linefiller>
For any quycke thynge in a monnus ere
<space for initial, with t indicated>Ake the Jus of synchon~ & menge hit wt the
grese of an eele & wt þe Juse of rewe and do
hit in thyn~ eer~ . or take the Juse of wyld tanse &
do hit i@-to þyn~ eer~ & hit shall outher~ dryfe oute
or sle hit . / <linefiller>
<lat>Contra dolore capites <1 word></lat>
<space for initial, with t indicated>Ake housegrene & stampe hit & take the Juste
& as muche of maydons mylke to a wommon~ &
to a mon~ the mylke of a knafe child and take
a good quantite of barle mele & medull thus
to-gedur i@ maner of a plaster & put on~ a lynon~ cloth<cropped>
& bynd hit cold a-boute the seke hed an hour~ and
do the same medycien~ thryes and ley the seke in a
bedd to slepe . / <linefiller>
For akyng~ of þe bakke
<lat></lat>
<lat></lat>
<fol. 164v>For costifnes
<lat></lat>
<lat></lat>
Medecyne for þe hed-ake
<space for initial, with t indicated>Ake and make lie of verueyne other of wer~mot
and þer-wt washe thi hed thries in a weke . //
Anoþer for the same take mustard sed & driet & stampe
& temper hit wt watur þat it be thike & do hit to
thi~ hed for hit is helpyng . /// <linefiller>
A medecyne to make thyn~ ene bri3te
<space for initial, with t indicated>Ake the blode of smale briddese þer-wt smer~ thyn~
eon~ & euer þey shulle be cler~ . <linefiller>
Who-so haueth lorne speche
<space for initial, with t indicated>Ake the Jus of sauge other of primeros & do
hit in his mouthe & he shall speche . // <linefiller>
Who-so castes blode .
<space for initial, with t indicated>Ake puliol . and beteyn~ & make poudur þer-of
and do þat pouder in an ey & ete hit & do so
thre dayes . / <linefiller>
Who-so hathe touthe-ache or wormus bin in is tothe
<space for initial, with t indicated>Ake the sede of henebane & þe sedd of leeke &
encense & ley these thre thynges on~ a glowyng~
ston~ & make a pipe þat hauethe a brode ende & a naro
ende & set þe brode end to the ston~ & the narowe end
to þat tothe þat is sor~ that þe smoke may go thro3e þe
pipe to þi tothe & þat smoke shall sle þe wormes &
do a-way the ache . /// <linefiller>
<fol. 165r>Who-so spekys in is slepe
<space for initial, with t indicated>Ake sutherunwode & stampe hit and temper hit
wt wyne & ife hym~ to drinke . / <linefiller>
Jfe a mon~ haue gryndynge in is wombe
<space for initial, with t indicated>Ake rue & stampe hit smale and temper hit wt
stale ale or watur & drinke hit . <linefiller>
Jf þu art costife
<space for initial, with t indicated>Ake hockes & sethe hem~ well and caste þer-to
a cupfull of nwe ale and ete wyll þer-of & hit
woll do the muche goud . / <linefiller>
Who-so hauethe wyld fuyr~ .
<space for initial, with t indicated>Ake lekes hedis wt alle the faces & poune hem~
well & hete hom~ wyll in a shord wt-out wat<cropped>
and ley þer-to <exp>for</exp> [&] hit wyll be hole . /// <linefiller>
Medecyne to deliuer~ a wommon~ of a dede child
<space for initial, with t indicated>Ake lekes blades and skalde hom~ & bynde hom~ to
hure wombe a-boute the nale & hit woll cast
out the dede child anon~ & also sone as ho is deliuerd
do a-way þe plaster or hit woll don~ hur~ harme . / .
Anoþer take mogewort & rue of iche iliche myche &
poune hom~ & take þe Jus & if hure to drinke . <linefiller>
A charme to staunche blod
<space for initial>fvrst þu most wytte þe name of the mon~ & then~
go to þe chirche & say this charme & lock þou~
ne sey hit for no best but for mon~ or wommon~ whann
oure lord ihesu criste was don~ on~ the crois then~ com~
longius þeder & stonge hym~ wt his sper~ in þe syde . blode
& watur com~ out at þe wonde he wypet is eon~ &
<fol. 165v>se3he anon~ thro3h the holi~ vertu þt god did þer J+coniur~
the blode þt þu come no3te oute of this cristen~ man~
& nempne the name . N . <lat>Jn nomine patris & . f . & . spiritus sancti</lat> .
Amen . and sey this charme thries . ne thar~ the neuer reche
wher~ þe mon~ or þe wommon~ be but þt þu knowe is name
Also another charme for þe same . Criste þt Was borne
in bedlem & folowed in flem jordan Also þe flode
stode so stond þu blode of . N . <lat>Jn nomine patris & f . & . s . s</lat> . A .
For to haue a-way wartes .
<space for initial, with t indicated>Ake egermoyn~ & poune it and do eysell þerto
so that it be thikke and bynde it to þe wartes . //
For to do away frekenes
<space for initial, with t indicated>Ake boles blode hote & a-noynt þe þer-wt or
ellus the galle of a gote & melle of cokull . ///
Jf a tyk or any oþer thyng be cropon in a-n+er~
<space for initial, with t indicated>Ake the Jus of rwe oþer of wormot or of hor~hond
and do it in is er~ . / <linefiller>
For brennyg~ or skaldynge
<space for initial, with t indicated>Ake a dok lefe and lay on~ þe sor~ & when~ þu
takes a-way þe lefe haue a-way þe fulthe & lay
anoþer þer-to & ley opon~ a clout & bynd þer-to at
morne & at euen~ . / <linefiller>
Medecine for scabbed nek .
<space for initial, with t indicated>Ake lilie or pimpernole and stampe hit and drinke
hit & he shall be hole . // <linefiller>