Senter for åtferdsforsking (SAF) har som mål å utvikle og formidle kompetanse innanfor feltet psykososiale vanskar blant barn og unge.
Oppbygginga av SAF som kompetansesenter har først og fremst skjedd gjennom utadretta arbeid ovanfor kommunar og fylkeskommunar, og gjennom forskningsaktivitetar innanfor sosiale og emosjonelle vanskar.
Senteret har rapportert til det statlege spesialpedagogiske støttesystemet (Statped) om arbeidet som kompetansesenter.
SAF er del av Det humanistiske fakultet ved Universitetet i Stavanger (UiS) og har ei tosidig oppgåve. I tillegg til å yte tenester for Statped skal senteret også arbeide med undervisning og rettleiing overfor studentar på universitetet. SAF arbeider også med ein del eksternt finansierte forskings- og utviklingsprosjekt.
