Samarbeid med arbeidslivet

Fleire av utdanningane har praksisopphald i arbeidslivet.
Dette gjeld blant anna studium i sjukepleie, allmennlærar, førskulelærar og journalistikk.

Studentar ved Universitetet i Stavanger skriv kandidat- og masteroppgåver med problemstillingar frå arbeidslivet. Ei rekke doktorgradsarbeid har også eit slikt anvendt perspektiv i forskinga. Tilsette i arbeidslivet er rettleiarar, gjesteforelesarar og innehar professor II-stillingar ved universitetet. Dette samarbeidet er i stadig utvikling og er avgjerande for høg kvalitet på studium og forsking. Vidare tilbyr universitetet ei rekke studium og kurs innanfor etter- og vidareutdanning

Tilsette ved Universitetet i Stavanger kan også fungera som rådgjevarar for arbeidslivet, og sitt i mange ressurs- og utredningsgruppe, samt i styre både regionalt, nasjonalt og internasjonalt.

Samarbeidet med næringslivet og offentleg sektor er mangearta og ein føresetnad for fagleg vekst og utvikling. Store delar av forskingsmidlane til UiS kjem frå eksterne bidragsytarar, og universitetsutviklinga i Stavanger er bygd på dette samarbeidet. Ei samla regional satsing bidrog til utviklinga mot universitetsstatus. Det nære samarbeidet med offentleg og privat sektor vert ført vidare i universitetet.