Her finn du informasjon om mellom anna bustads-, kultur- og barnehagetilbod.
Du vil få tilbod om å vere med på fadderarrangementa ved universitetet. Ein fadder er ein etablert student som kan det meste om byen og universitetet. Fadderordninga er viktig for ein god start på studietida. Her får nye og gamle studentar høve til å bli kjende med kvarandre.
For nye studentar ved Det teknisk-naturvitskaplege fakultet er det ei eiga ordning som heiter ”Første klasses samhald” der studentane får eit eige sosialt opplegg, i tillegg til ei oppfrisking i matematikk og fysikk dei to første vekene av semesteret.
Engasjer deg
Som student har du mange moglegheiter til å engasjere deg også utanfor studia. Slik får du kjekke sosiale opplevingar, og slik får du vener for livet. Folken er Studentersamfunnet i byen med om lag 200 aktive frivillige studentar. Ved Universitetet i Stavanger er det eit godt treningstilbod og ei heil rekke med studentorganisasjonar som du kan vere med i.
Lykke til med studia, engasjer deg og grip sjansane du får!
