<County: Gloucestershire>
<Code: L7020>
<MS reference: London, BL Egerton 2810, Hand A>
<Text: South English Legendary>


<Tranche 1>

<fol. 30v><line 25>SEynt patric com þor3 godis grace . to prechi in yrlonde .
To teche 3em þe Ri3te bileue . of ihesu crist vndirstonde
So ful of wormis þe londe he fonde . þt no+man ne+mi3te+gon .
Jn sum stede vor wormis . þt he nas ywemmyd anon .
S . patric bad oure louird crist yt þe+londe deliurid were
Of þulke voule wormis . þt none ne come þere .
Our~ louyrd yhurde is bone anon þer ne+mi3t neuer+eft come .
No voul worme in yrlonde . þt is lif nas bynome .
Eche tre þt in+þe londe greuþ . & erþe of þe lond also .
Ne suffriþ no venym in no stede . ney hym be ydo .
No voul worme ne comiþ . þer nei þt nis anon lif-les .
Bote a+lute sschort euet . & 3itt he is tailles .
¶ Moche clannesse & moche god . wo so doþ ym vndirstonde .
Vor þe loue of seynt patric . our~ louird dede in þe londe .
¶ A+god+man-is sschep yer was ystole . to s . patric com tidinge .
He het wo 3em hadde ynome . a3en sscholde bringe .
<fol. 31r>Þis gode+man het at chuˆ[r]che so ofte . a3en ne com hit no3t .
Jn+an heie daye as al þt volke . to churche was ybro3t .
¶ Seynt patric het 3uf in þe churche . eny mossel were .
Of þe sschep þt it sscholde blete . amonge hom alle þere .
þo bygant it to+blete in is wombe . yt þe sschep hadde ystole .
Amonge alle men þt it ne mi3te . no lengore be yhole .
¶ Sore was þe þef of sschamid . vor men þt hym yknewe .
He was yknewe & mercy bad . & by-com god+man & trewe .
¶ Seynt patric onourid eueriche croi3 . þt he seie owar stonde .
A+day as he wende aboute . prechinge in+þe londe .
A+croi3 þere stod þt men yseie . ac he ysei is no3t .
þere-vore he aloutid no3t yerto . men wondrid+in+3are þo3t .
And esschte wy he nolde aloute . to þe croize by hym þere .
þis holy man by-held aboute . & esschte war~ he ware .
¶ He ne mi3te þe croi3 no3t ise . in+gret þo3t he stod .
Gret wonder hadde þt volk . þo & wende þt he wer~ wod .
¶ þo sede þar a+uois vndir þ+erþe . ne mis-þenche 3e no3t .
þe3 þe holy man ne se þe croize . ne wondri 3e Ri3t no3t .
vor it is vor myne sunnys . þt myne bonis liggeþ here .
As ic was yburid . & wiþ ou speke . þis holy man to skere .
¶ Sarasins wyle ic was an+erþe . in helle my soule is
Vor myne bonys buþ so neie þe croize . hene si3te is no3t+ywis
Al in+prechinge þis holy man þe contrarie out so3t .
A wilde stede al bar~ he+fonde . þt no frut vorþ bro3te .
¶ þey me sewe oþir sette þer ne com noþinge vorþ þere .
Seint . patric bad 3erne oure louird . enchesoun wy it wer~ .
¶ Jn þ+erþe he made . a+cercle al aboute .
þer by-com a+put swyþe dep . þt men hadde of gret doute
þis gode+man nuste wat it was . ac an angel him sede .
þt þer was a+put of purgatorie . þt eche man mi3te of drede .
somme soulis were inne ydo . hore synnys vor to bete .
þt hij ne+bette here an+erþe . ar hij þt lif lete .
& wer~ a+man quic oþ~ ded ar he þer-in come .
He ne sscholde oþir~ purgatorie habbe ar þe day of dome .
Ac aftir he sscholde to heuene . 3if he were god iwende .
& as god 3uf he luþer were . to helle at+ten+ende .
Oure louerd tok seynt patric þan staf . is owe honde
þt he wiþ þilke staf vonde purgatorie yherd be is sonde .
¶ Jn yrlonde is 3itt ywiste þilke staf wiþ nobleie yno3 .
And vor Riche Relic yholde ellis it wer~ wo3 .
<fol. 31v>Seynt patric in þulke stede . as þis purgatorie is .
Of Religioun by-gan an hous . þt stondiþ 3itt ywis
Canounys þerinne 3e made . as 3itt buþ al so .
þane put he let close wel vaste . þt no+man com þer to .
¶ Jn churche 3arde is þilke put ri3t toward þe hest side
Euene fram þe heie weind<?> as men sechiþ wyde .
J-wallid he is vaste aboute . & vaste yloke þt 3at .
And þe priour wardiþ þe keye . þt no+man / ne com in þer at .
Al by seint patric-is day men wende inne ylome .
And suþþe also many+on . ac vewe oppe a3en þer come .
Ac þulke þt come a3en . of þt hij seie hij tolde .
as it is in þe hous ywrete . & priuelege yholde .
þe maner is of eche man . þt wolle þer-inne wende .
þt it be vor bete is sunne . 3if our~ louird wole grace sende .
To þe busschop of þe+londe he sschal hym verst sschriue .
And bidde leue to do þan wey . to amendement of is liue .
Ac þe busschop hym radde þar~ a3en . & resouns hym wole sshewe .
And seggiþ þt many þudir~ wendeþ . & comiþ a3en vewe .
¶ Ac 3uf he is stable in is þo3t . vor al þt he haþ ybede .
þe bisschop wole is lectris make to+þe prior of þe stede .
þe prior hym wole eke Rede yno3 . vor to changi is þo3t .
Ac wan he is stedeuast . þt he it nele bileue no3t .
¶ wiþ gret procession of prestis . to þe put he+worþ ybro3t .
Ac 3if me ne may þe 3ut . <exp>is</exp> vor noþinge changi is þo3t .
wiþ croize & wiþ holi water . hij wolliþ hym blessi echon .
Hym-sulf he sschal hym blesci eke . & a+godis name in+gon .
¶ Jnto þe churche hij wolliþ hym lede . & sette hym a+kne .
And þere he sschal in is orisouns . viftene dawes be.
þt processioun sschal terne a3e as Ri3t is to done .
Amorwe þulke tyme daies þudir come eft sone .
¶ And bote he be þan ycome myd gret doel & sore .
Hij terniþ a3en & siker buþ . þt he comiþ vppe na more
¶ Hit by-uille by steuene kyng-is day . þt now lat was .
Of a+kny3t þt het oweyn . a+wel wondir cas .
To+þe bisschop to sschriue oweyn þe kny3t com .
& gret penance vor is sunne . & doel & sorwe ynom
¶ Þe bisschop by-gan to chide hym vaste of þt he hadde mysdo .
And sede þt he was man worst . vor to synwy so .
þt me ne+mi3t do hym so moche wo þt he nere worþi more
þis kny3t sat wiþ doulful hert . & wep wel swyþe sore .
<fol. 32r>wan icch+am man worst . & man worst habbe ydo .
And to sunne þt grettist is mest penance mot þer-to .
wan ic amonge alle men . mest sunful am alas .
þe strengust penance ichulle take þt euer~ yfounde was .
Jchulle take to godis grace & in is name wende .
In s. patric-is purgatorie . sende wat he me sende .
¶ Beau frere quaþ þe bisschop be stille wy seystu so .
Crist it vor-bede . þt neuere such foly þu ne do .
Vnneþe <exp>þer</exp> eny þer comiþ a3en . of hom þt doþ þudir wende .
Nold god þt þu so dudist . body & soule to sschende .
Ac wende into Religioun . & bilef þer~ þi lif+is ende .
And þu sschalt þine sunnys bete . as god wole grace sende .
¶ Certis sir~ quaþ þis kny3t . þu mi3t as wel be stille .
Jchulle þulke dede do . god by me is wille .
Vor so moche as ich habbe of seruid . y+ne+mi3te habbe of wo .
þer-vor sey wat ic sschal do . vor sikir ichulle it go .
¶ þe bisschop hym prechede vaste . vor to changi is þo3t .
Ac atte laste þo he ysey . þt al it was vor no3t .
To þe prior of þe stede is lettris made sone .
þt he sscholde by hym do . as such a+man was to done .
¶ Þe priour prechede vaste . & sede hym Resouns ynowe .
3if he mi3te changi is þo3t . þt he hym wiþ-drowe .
Ac is prechinge was vor no3t . as he seie atte nende .
He nolde bileue vor noþinge . þe perilous wey to wende .
¶ þe prior hym nom by þe honde . & to þe churche hym bro3te .
þer~-inne he vil adoun a+kne . & our~ louerdis grace byso3te .
Jn vastingis & in orisouns . vourteni3t he lay .
To bidde our~ swete louirdis grace . & þan vifteþe day .

<Tranche 2>

<fol. 107v><line 27>SEint martin was ybore in+þe londe of sabarie .
wel 3onge he was ynorssched in þe londe of papie .
An hei kni3t is maister was . & al maister of þe uerde
Jn constantines hous þe Amperour . & alle+is hoste he sterde
To churche þo+he was twelf 3er olde . wel stilliche he wende .
Bihet oure louird cristin to be . wan he þan time sende
¶ Þe Amperour het into alle is londe . þt eche olde kni3t .
þt is sone sscholde in batail vor is vadir vi3te .
So þt seint martin nas . bote viftene 3ere .
þo he þe armis vor is vadir . in bataile bere .
¶ A winter as þis child rod bi+þe wei alone .
a+pour+man he met al nakid . & sore vor chile grone .
Seint Martin hield out is swerd . as we findeþ in boke
Js mantel he carfe half atwo . þis poure+man he betoke .
<fol. 108r>Ase he bi-helde sone aftir-ward . to heuene vp an heie .
wiþ his halue mantel yhelud . louird crist he seie .
Lo he sede to is angelus . þis ne worþe me bireuid .
Martin þt is heþene 3ut . her-wiþ me haþ yweuid .
¶ Þo seint Martin þis yhurde . glad ne bliþe neuer~ he nas .
ar he ycristinde wer~ þt e3tetene 3er hold he was .
¶ Hit biuel of a+gret bataile . þt þe Amperour~ hadde ynome .
He het al is kin3tes clene . sone to him come .
Þo martin sede ich+am godis kin3t . & so ichabbe ybe longe .
Non oþer armis bote his . i+nelle neuer~ Auonge .
¶ Ey coward quaþ þe Amperour . nou þu sparist vor fere .
To fi3te wiþ þine felawes . as þi ri3te wer~ .
Alone biuore þine oft Amperour~ . ichulle to bataile .
Mi louirdis mi3te þu sschalt þer yse . vor he me nel no3t faile .
¶ Þo þis verde al 3ar~ was . seint martin wende anon .
Vn-armede & is swerd adrawe . Amonge al is fon .
Þo þt he amonge hom com . þer nas of hom n<gap in ms>3t on .
Þt mi3te more hebbe vp is honde . þan þe dede ston .
¶ Þe maistrie hij 3olde him vp anon . bote þt he hom let Aliue .
Seint martin cluped is felawes . & bad hom come bliue .
Amperour þu hast þine fon awonne . þonke god & no3t me .
Haue god dai vor y+nelle nou na more serui þe .
¶ Of þe busschop hillar~ he was acolite . & dude al bi is r~de .
Our~ louird to him com ani3t . & þes wordes sede .
Jchote martin þt þou go . wel ofte amonge þi kunne .
Spoke wiþ hom 3uf þu mi3te . þe bet hom wite fram sunne
¶ Þis gode+man as our~ louird . him het toward is kunne wende
Bi+þe wei he mette outlawes . sone hore bowe hij bende .
Sone þis gode+man hij nome . & made him manie wonde .
Vorþ hij ladde him to sle . his honden vaste ybounde .
Þe outlawes him esschte . ware he wer~ euer~ so adrad .
¶ Certis quaþ þis holi man . so siker nas ic neuere .
Vor mi louirdis helpe nis nowar so nei . as he is in car~ .
So moche is min hope þer-to . þt men reche hou ic fare .
Of ihesu crist he tolde þo . wiþ hom þt him nome .
þt hij him lete go al sauf . & cristine bicome .
¶ Þis gode+man 3eode vorþ alone . & þe deuil a3en him com .
Jn vair~ maner~ he esschte at him woder þan wei he nom .
Jchulle go quaþ þis gode+man . as mi louird wole lede me
wodir þou go þe oþer sede . þe deuil wole ben a3en þe .
<fol. 108v>¶ 3e quaþ þis gode+man þu moste mid him al-so .
Vor wan mi louird is min help . y+ne reche wat 3e do .
þis gode+man 3eode amonge is frendis . is modir cristin he made .
Js fadir nolde cristine be . vor al þt he him bade .
Seint martin vonde A+3onge man ded . þt swiþe wel wiþ him was .
þt bileued on our~ louird vor him . ac ycristind he nas .
Þo gan seint Martin bidde vor him . & he aros fram deþe to liue .
Martin he sede þherid be þou . & our~ louirdis wondis viue .
¶ Mi soule was to helle ylad . as alle buþ of our~ kunde .
Ac twei angeles þor3 godis grace . of me hadde munde .
And sede our~ louird þt ichadde . þi diciple ibe .
Þar vore our~ louird dude . is grace . vor honour~ of þe .
He let mi soule to mi bodi . vorþ þi loue hidir bringe .
Cristindom pur+charite . ich bidde auore alle þinge .
¶ Þet volke nom seint martin . suþþe vor he was so god .
And made him busschop of toroine . muche a3en is mod .
Two mile <ill><smudged; 1 word></ill> wiþoute þe cite . an abbei he let rere .
Vour~ score monkis of gode liue . he let sette<?> þere .
Jn so holi lif he was þt he badde to is hefte .
Fur & tre and wormis eke . & þe kunde of voul & beste .
¶ Fur wolde is heste do vor an time an hous brende .
Þor3 stronge winde þt bleu fur . to seint . martines hous wende .
Ar þis gode+man it vndir3et . ybarned it hadde on ende
Seint Martin het a+godis name . þt fur a3en wende .
Jt dude a3en þe kunde of fur . a3en þe wind to fle
þere me ysei þt fur ne mite . a3en is heste be .
¶ Adai as vndir a+tre . he prechid godis lawe .
Þe luþer men þt þer bi-stode . þo3te him bringe of dawe .
Hij gunne sawi a+tre . toward þis holi manne .
Þt him of falle sscholde . frende nadde he nanne .
Þo þis tre vallinge was . he het him a3en terne .
þis tre aros him vp anon . is heste he nolde werne
And ouir felle in+þe oþer halfe . mani of is fon .
Hij þt ascapid þo let him cristin~ anon .
¶ A+grisliche neddr~a3en him com . & bad him a3en wende
þt þu neuer reste here ne come nowar in þis ende .
<ill><1 word></ill> worme him turnede anon a3en . as þis holi man him het .
and swarme<?> vaste into þe oyer londe & þulke contri vor-let .
¶ Voules dude is heste al-so<?> . vor al so he gan gon .
He sey a bryde cache a fyssche & swolwe him anon .
<fol. 109r>¶ Alas þt þinge þat <exp>þinge</exp> none harme deþ . bote wende in pes to be
so awaitiþ þe deuil euer~ . vorte he is prei yse .
Þe voules he het a+godis+name . echone þanne te .
þt hij sscholde in wildirnesse out of þe watir fle .
þt hij þere neuirefte ne come . gulteles þinges to take .
Þis voules nom mid þis word . awei gunne sschake .
¶ Bestes dude also is heste . vor as he wende aboute .
Ho ysei aftir an har~ erne . grehondes a+gret route .
a-wei he sede þis seli best . þt noþinge deþ amis .
þes foule hondes it wole to-drawe . gulteles as it is .
Jch hote þt 3eo terne . hij gunne stonde stille .
And turnede eche in is wai . to do seint . Martines wille .
¶ A+wode+cou rane a+londe wile . a+stronge sscherewe as 3e was .
A3en seint martin 3eo com+erne . as god 3ef þt cas .
Seint Martin bad hir~ stonde stille . & 3eo gan abide .
He sei þen deuil . vp þe bestis rigge ride .
¶ A corside þinge þou wende awai . ne com nei hir~ na more
Þe sschrewe wende anon awei . wepinde wel sore .
Þe cou wende to seint . Martin . & to is fet vel anon .
And sschok hir~ heuid to þonki him . as men yseie echon .
¶ A+dai as þis gode+man . sat alone in is celle .
Js priue men hurde him wiþoute wel loude telle .
þo þis gode+man out com . hij vel adoun a+kne .
And esschte wat þe speche wer~ . þt wiþ him hadde ybe .
Jt was our~ leuedi & seint . Anneis . petir & poul also .
Of ioie of heuene hij speke wiþ me . vor ofte hij doþ so .
¶ Seint martin at paris . an mesel . mette bi cas .
He custe him & anon . þe musel hol man was .
¶ Jn wel pour~ wede a+dai . he rod out vppe an asse .
Hei men he mette bi þe wei . þt tolde of him þe lasse .
Hore hors wer~ of him adrad . vor is pour~ cloþe .
And felde hom adoun & ourne abache hij wer~ þer-vore wroþe
Hij sturte vp & nom þis holi man . & bete him wel sore .