<County: Wales, Carmarthen>
<Code: L1364>
<MS reference: London, BL Cotton Cleopatra F.iii>
<Text: Letter>


Oure frende i+do 3ow to wetyn þt Oweyn glyndour~ henri donn Res duy Res ap gr~ ap ll
Res gethiner han y-won þe town of kermerdyn and wygmor~ constable of þe castell
hadd y-3eld op þe castell of kermerd to Oweyn ; and han y-brend þe town and y-slay<edge of the letter>
of men of town mor þan l men and þei budd yn purpos to kedweli and a seche
ys y-ordeynyd at þe castell þt i kepe And þt ys gret peril for me and al þt buth
wydd me for þai han y-mad har a-vow þt þei will al-gat haue ows dede þer-yn
whar-for~ j prei 3ow þt 3e nul not bugil ous þt 3e send to ous warnig wyth-yn
schort time wheþer schull we haue eny help . or no and bot þer bu help comig
þt we haue an answer þt we may come bi ni3t and stell away to Brechnos
cause þt we faylyth vitels and men and namlich men also Jankyn ap ll
hath y-3eld op þe castell of emlyn wyth fin wyll and al-so william gwyn
Thomas ap dd ap gruff~ and moni gentils bun yn prison wyth Oweyn warnig
erof i prei~ þt 3e send me bi þe berer~ of þus letter farydd well yn þe nam
of þe trenite y-wryt at dynevour yn hast ad and yn dred yn þe fest of
seint Thomas þe martir~ .
Jankyn hauard
constable de Dynevour