<County: Warwicks>
<Code: L4675>
<MS reference: San Marino, Huntington Library, HM 502>
<Text: Religious prose>


<Tranche 1>

<fol. 21v><line 15> ri3t so in þe se
uene þousand of 3eeris þe noumbre of
hem þat schullen be saued schal be ful
fillid & reste schal be to seyntis ful in bodi
& soule . 3if þan it be so as is semeþ to fo
lewe of þis maydenes wordis þat seuen
þousand of 3eeris in passynge of þe world
acordiþ to seuene dayes in his makynge .
<fol. 22r>lat see what lackid þat þese seuene þousand
3eeris ne ben fulfillid . for 3if we rkene<sic> þe
noumbre of 3eeris fro þe natyuyte of crist
to þe 3eris fro þe bigynnynge of þe world
to crist . 3if þou wult folewe austyn Bede
& orosie & most prouable doctouris tretynge
of þis matere it is passid now almost sixe
þousand & sixe hundrid as it is open in a
bok þat is clepid speculum judiciale / so it
sueþ þat þis laste day is more þan half a
goo . 3if we shulle 3eue credence to þis may
denes resoun . bute 3if we schule leeue to þe
gospel ; þanne we schal fynnde in þe gospel
of matheu þat þe disciplis axeden of crist
þre questiouns . furst what tyme þe citee
of ierusalem schulde be distroyed . þe secun
de what tokene of his comynge to þe dom .
& þe þridde what sygne were of þe endynge
of þe world . & crist 3af hem no certeyn ty
me þese þingis whan þei schulde falle .
¶ Bute he 3af hem tokenes bi whiche þei my3
ten wyte whanne þei drowen ne3e / & so as
<fol. 22v>þe firste questioun of distructionn of ierhusalem .
he seide whan þe romaynes comen to bise
ge þat citee þanne sone aftir hue schulde
be distruyed . & as to þe secounde & þe þridde
he 3af hem mony tokenes . þat is to seie
þat rewme schulde rise a3eyns rewme . &
puple a3ens peple . & pestilencis & hungris
& erþe schakynges þe which iche we han
seyen in oure dayes . Bute þe laste tokene
þat he 3af was þis . whanne 3ee seeþ þe ab
homynacioun of discounfort seid of dany
el þe prophete stondynge on þe seyntuwarie .
þanne who rediþ . vnderstonde he . vpon whi
che tixt þus argueþ a+doctour in a+book
þt he makeþ of þe endynge of þe world .
3if þe wordis of danyel han autorite as
god seiþ þat þei han it sufficeþ of þe no
umbre of þe 3eeris of þe ende of þe world .
take þat danyel haþ write now . danyel
in þe twelueþe chapitre spekynge of þis
abhomynacioun putteþ bitwene þe sees
synge of þe bisie sacrifice of jewes þe
<fol. 23r>whiche fel whanne bi+titis & vaspasian irhum
was distroyed . & þe puple of iewes disperpulid<?>
into al þe world . & þis abhomynacioun þat doc
tour seiþ schal be þe grete antecristis daies
a+þousand two hundred & nynety . now pre
ueþ þis doctouur þat a+day mot be take for a+3ere
boþe bi autorite of holi writ in þe same pla
ce & on oþer & [bi] resoun also . so it semeþ to þis
clerk þe grete antecrist schulde come in þe
fourtene hundred 3eer fro þe burþe of crist .
þe whiche nowmbre of 3eeris is now fulfil
led not fully twelue 3eer & an+half lackynke
þis resoun putte y not as to schewe eny cer
teyn tyme of his comynge . siþ J haue not þt
knowleche . bute to schewe þat he is ny3 . bute
how ny3 y wot neuere . Bute take we hede to
þe furþe partie of þe secounde visioun of
ion put on þe bok of priuetees on þe whiche
vndir openynge of þe seuenþe sealis is de
clarid þe stat of holi chirche fro þe tyme
of <exp>ch</exp> crist in-to þe ende of þe world . þe o
penynge of þe firste foure seelis schewiþ
<fol. 23v>þe staat of þe chirche fro tyme of crist vnto
þe tyme of antecrist & his fore-goeris þe whi
che is schewid bu openynge of þe oþer þre see
lis þe openynge of þe firste seal telliþ þe stat
of þe chirche in tyme of prechynge of crist & of
apostlis . for þanne þe firste beest þat is þe ly
oun 3af his vois þat tokeneþ þe prechouris of
cristis resurreccioun & his asencioun . for þanne 3ede
out a whit hors & he þat sat vpon hym hade
abowe in his hond the 3ede out ouercomynge
to ouercome ¶ bi þis white hors we vnderstondiþ
þe clene lif & couersacioun þat þese prechoures
hade & bi þe bowe . here trewe techynge . prickynge
sorowe in menys hertis for here synnes wt-outen
flaterynge & þei wentun out of merie þt þei
comen ouercomynge summe of þe iewis & ma
ke hem to leeue þe trist þat þei haden in þe
olde lawe to bileeue in ihesu crist & sue his tee
chynge & þei wentun out to ouercome þe pay
nymes schewynge to hem þat here ymagus
were none goddis bute mannys werkis
vnmy3ty to saue hem self or any oþ~ drawyng
<fol. 24r>hem to þe bileue of ihesu crist god & man . in
openynge of þe secounde seal þer criede þe secon
de beest þat is a+calf þat was aberst was wonte
to be slayen & offrid to god in þe olde lawe . þis
schewiþ þe staat of þe chirche in tyme of mar
tiris þat for stedefast prechynge of goddis
lawe schedden here blood þat signefied bi þe
reede hors þat wente out at þis seel openynge .
& þis staat bi-gan in þe tyme of nero þe cursid
emperour . & durid in-to þe tyme of costantyn
þe grete þat endowede þe chirche . for in þis
tyme many of cristis seruauntis & namely
þe leederes of goddis flok were slayen . for of
two & twenty bisschopis or rome þat werun by
twene peter & siluester þe firste y rede bute of
foure þat þei ne were martires for þe lawe of
crist and also in tyme [of] Sibclisian þe emperour .
þe persecucioun vpon cristene men as so gret
þat wiþ-inne þritty dayes þer were two & twenti
þousand men & wymmen slayn bi dyuerse contres
for goddis sake . þe openynge of þe þridde seal
telliþ þe staat of þe chirche in tyme of eritikus
<fol. 24v>þat ben figurid bi þe blake hors for false vn
dirstondynge of holi writ for þanne criede þe
þridde beest þat is a man for at þat tyme was it
nede to preche þe mysteries of cristis incarnaci
oun & his passioun to-3ens þese eritikes þat felden
mys of þese poyntis hou crist toke erþely man
nes kynde of oure ladi hym beynge god as he
was bifore this moder beynge mayden bi-fore
& aftir . þe openynge of þe furye seal telliþ þe
staat of þe chirche in tyme of ypocrites þat
ben signefied bi þe pale hors þat ben signes
of penaunce wiþ-outeforþ to blynde þe puple .
& he þat sat vpon þis hors his name ws deþ .
for þei schulen slee goostly hem þat þei leden .
& techen hem to triste vpon oþ~ þing þan god
& helle foleweþ hem / for helle resceyueþ þilke
þat þese disceyueþ at þat tyme schal it nede
þe furþe beest þat is þe egle make his cry þat
fleeþ hi3este of alle foulis to rere up goddis gos
pel & to preise þat lawe abouen oþer lawes .
lest mennys wittis & here tradiciouns ouergo
& trede doun þe lawe of god bi enformynge
of þese ypocrites . & þis is þe laste staat þat
<fol. 25r>is oþ~ schal be in þe chirche bifore þa comynge
of þe grete antecrist . Þe openynge of þe fifþe
seal telliþ þe staat of þe chirche þat þanne shal
folewe . and þe desir þat loueres of godis lawe
schulen haue aftir þe ende of þe world to be
delyuered of þis woo . þe openyng of þe sixte
seal telliþ þe staat of þe chirche in tyme of ante
cristis lymes . þe whiche staat 3e mowe knowe
to be in þe chirche when 3e seeþ fulfillid þt seynt
Jon prophecied to falle on þe openynge of þis
wher he seiþ þus . aftir þis ysei3 foure ange
lis stondynge on þe foure corneris of þe erþe
þat þei blowe not vpon þe erþe ne vpon þe
see ne vpon eny tree . þese foure angelis ben
þe noumbre of alle þe deuelis noumbre my
nystris . þat on þat tyme schulen in plesaunce
of here lord antecrist stoppe þe foure wyndes .
þat ben þe foure gospellis to be preched & so to
lette þe breeþ of grace of þe holi goost to fal
le vpon men mournynge for synne & castynge
hem to amendement & oþer vpon hem þat
wolde encrese in vertues oþer vpon perfit men .
what is þere aftir þis to falle bute þat ye
<fol. 25v>mysterie of þe seueþe seal be schewid þat he
come in his owne persone . þat ihesu crist schal slee
wiþ þe spirit of his mouþe when þe fend schal
schewe þe outemoste persecucioun þat he & hise
seruantis may do to þe seruantis of crist ; and

<Tranche 2>

<fol. 68v><line 1> here þenne gladly þe good þt
men wol seie to þee . of al þat þou herest of
holi scripture in comun sermoun or in pryue
colacioun tak good hede anon as þou herist
ou3t þat may avayle to þin amendement .
as to haten synne & to loue vertues . for to do
ute peyne & desire ioye for+to dispyse þis
world & hy3e to þat oþer world and what
þou schalt don . & what þou schalt leue / and
al þat enlumyneþ þin vndirstondynge in
knowynge of soþenesse ; and al þat enflaw
meþ þin affeccioun in strengþe of charite .
¶ Þe þridde degre of contemplacioun is in god
hym self & þat may be in+two maneres . wiþ
outen in his manheed ; & wiþ-innen in his god
heed ; for so seiþ seynt austyn . Þerfore god in
his kynde bycome man ; þt wheþ~ þat þow
wentist in or out euermore my3test yfynde
pasture . wiþ-inne bi contemplacion of his
godheed ; wiþ-outen bi contemplacioun
of his manheed ; of his manheed þu shalt
þenke þre þinges ; þe manheed of incar
<fol. 69r>nacioun . þe swetnesse of his conuersacioun . &
þe charite of his passioun . Bute þat my3ton
not don at on tyme ; & þerfore J haue departed it by
þe seuene houres of þe day þat me syngeþ in chirche
þat no tyme passe þee þat þou ne haue þin her
te swetely ocupyed : so for+to don þou most haue
at eche houre doubel meditacioun . on þe passion
þou shalt . anoþ~ on þe assencioun . ¶ By-fore ma
tynes þou schalt þenke inwardly on þe tyme &
þe place [&] þe houre þat god was boren . þe tyme
was at mydwynter when it wes coldist . þe hour
was amydde þe strete in an+hous wiþ-outen wal
les & wes ywounden in cloutes & ybounden wiþ a+ly
ser & leyde in a+manger bifore an oxe & an asse . for
he hade non oþ~ place / Þenne shalt þou þenke on
þe bisynesse of marie abouten hir child & of
Joseph hure hosbond . hou he hade gret ioie .
Þenke on þe deuocioun of þe schepardis . & on
þe swete companye of aungelis ; & lift vp þyn
herte & syng wiþ hem <lat>gloria in excelsis deo &c ;</lat>
þat is Joie be god in þe hy3este . // Þenne shaltou
þenken on þe passioun hou he was in suche a+tyme
<fol. 69v>of þe ny3t þat is to seie at mydny3t bitrayed
of his owne disciple & J-taken as a+traytour
& ybounden as a þef & as a+feloun dampned þenk
also bisily hou he profred hym self to þe folke
& hou he kusside him þat hadde bitrayed hym & cleped
him his frend & how he defendede peter to smyte
no more wiþ þe swerd & hou he helide þe ere þt
seynt peter smot of ; & hou his discyples hym
forsoken & þe Jewes hym token & hulden hym & lad
den hym forþ furst byforen annas & þerfore þere
he was examyned & buffeted for he onswerid
not to here wille and seþ to-fore cayfas & peter
forsok him þries for þe wickide wordis of an
yuel seruaunt ¶ Byfore pryme þou shalt
þenke on þe passioun & on þe resurreccioun / on
þe passioun þou shalt þenke hou þe iewes
ladden him in a kurtel bi-fore cayphas here bis
schop & bere false witnesse a3eyns hym & seyde
þat he hade y-blasfemed & seide . þt he hade y
seid þt he my3te distruye goddis temple & in
þre dayes reren it vp a3eyn & þat he hade j
turned al þe contre for galile to ierusalem .
<fol. 70r>& scorneden hym in dyuerse wyse & spaten in his blessid
face vileynloker þen on a dogge . and þen þei
hulden his ey3en & buffeted hym & axed him who
it was þat was smot hym . and al þat swete
ihesu suffride ne seide he neu~ whi do 3e so . bote
suffride as a+lomb þat is ilad to his sleynge
ward þat neu~ word ne seyde . and mony oyere
dispites þei duden to hym þat were muche
to telle & to longe tyme ¶ On þe resureccioun
þou shalt þenke þat he aros on suche a+tyme
from deeþ to lyue astir þat he hade distruyed
helle & delyuered þe holi soules oute of þe fe
louns power ¶ Þenne shaltou þenke hou
he schewede hym to marie maudeleyn when
she wende he hade ben a+gardener ¶ Þe secoun
de tyme to hire & to oþ~ wymmen in þe wey when
he grette hem & seide . anete þt is to sei god
3ou saue ¶ Þe þridde tyme to seynt peter
bute we ne haue no3t in what manere ne
hou ¶ Ye furþe tyme he shewede hym to two
oþ~ disciplis toward þe castel of emaus ;
whenne þei wenden he hadde ben a+gardenere
<fol. 70v>& knowen hym þenne in brekynge of bred ; þe fyfe
þe tyme to oþ~ ten when he stood in þe mydward
of hem & seide <lat>pax vobis</lat> & schewede hem his hon
dis & his feet & þei wende he had ben a+gost and
þenne he seide to hem þat he wolde be wiþ hem
into þe ende of þe world ¶ Þe sixte tyme when
seynt Tomas was þere & seide to hym putte þi
fynger here into my side ; þe seuenþe he apperide
to seynt peter . when þei fischeden in þe see þt þe
gospel clepeþ tyberiadis & ete wiþ hem & axede
þries of seynt peter 3if he louede hym more þen
oþ~ ¶ þe ey3þe tyme was when þat he shewede
hym in þo mounte of galile when he comaun
dide hem to wende in-to al þe world & baptisen
alle men . in þe name of þe fader & of þe sone &
of þe holi gost a ¶ Þe nynþe tyme he shewede
hym to hem þe day of his assencioun when þei
weren at þe mete . & vndernom here mysby
leue & þe hardnesse of here hertis ¶ Þe ten
þe tyme he shewede hym to hem þe selue day
þat he hadde hem out of þe citee in-to þe m
ounte of olyuete & comaundide hem to dwel
<fol. 71r>le in þe cyte til þei weren cloþed of þe vertu
from an hy3e & 3af hem his swete blessyng and
departede from hem into heuene and sitte þer on his
fader ri3t+hond ¶ Byfore vnder þou shalt þenke
on þe passioun & on þe pentecoste ; on þe passion
hou oure lord was dispoiled at þilke hour al
naked & ybounde to a+pyler in pilates hous & so
felounsliche beten ; þat fro þe heed to þe soles
of his feet ne lafte not a+stede hol ¶ Þenke also
pilate sente hym to eroude ; & he cloþede hym
in a+whit cloþ in sygne þta he huld hym a+fool &
sende hym a3en to pilate . & pilate wolde haue
delyuered bote furst he wolde haue chastid hym
in þe manere as men don þeues þat shulen be let
go conuict & his kny3tes token hym & gredered
to-gedre al þe folke for+to biholden hym & cloþed
hym in a+reed mantel . & tok hym a+reod in his ri3t
hond in-stede of a+ceptre ; & setten on his a+crou
ne of kene scharpe þornes . & kneleden to-fore
hym & saluden him . & so þe iewes wolden al ga
tes haue hym deed . & pylate wolde not disple
sen hem & delyuered hem a þeef . & 3af hem ihesu crist
<fol. 71v>for+to be crucified wiþ-outen encheson ; On
þe pentecoste þou shalt þenke þt in suche
a+tyme of þe day oure lord sende þe holi gost
to his discyples in liknes of fuyr & made hem
kunynge of wordis & hardi for+to speken &
brenynge in loue ; & þis is þe þridde purue
aunce of oure lord ihesu criste ¶ Byfore myd
day þou shalt þenke on þe assencioun & on þe
passioun / on þe ascencioun of þe mercy of oure
lord þat he wolde bicome man & suffre deþ
for vs in his manheede when he my3te in oþ~
maner haue bou3t vs ; & al þat he dude for
to drawe onely oure loue to hym ; and þer
fore he wolde be oure creatour & oure saue
our & suffren in his bodi al oure wo to biggen
al oure loue . and on þe passioun þou shalt
þenke þat in such a tyme he was don on þe
crosse bitwene two þeues as he hade ben
here maister þeef . & þerfore wot not what
to sey ;