<County: Cheshire>
<Code: L1323a>
<MS reference: Keele University Library, Wistaston deeds, Sneyd accumulation>
<Text: Will>


This endenture beres wyttenes that hyt ys my full wyll ther as J Thomas Chanu have enfeffet Jenkyn of Roop John@ John@ sone of wetenhale of the wiche
Mabank Raulyn kerdyff and John@ hykkocsone in thre meses wyth the londes lyande to <symbol> in wystanston@ of the wheche one ys calde the westelee And A-nother
ys calde Stanyfort . And the thryd mese wythe A Crofte and one oxyong of londe lyne in the Tounefyldes in wystanston@ . And also ther as J the saide
Thomas have enfeffet the saides Jenkyn John@ Raulyn and John@ in one mese wyth all the londes lyande to <symbol> the wheche ys calde Oteedyshe in walgherton@
also wyth all yose londes and tenementes the wheche hamlyn Chanu my grauntesire sumtyme hade in wyghtreston@ of the gyfte and the feffemente
of Roger of blakhurste to have and to holde all the foresaide meses londes and tenementes wythe Byledynges and all other purtynaunce to the foresaides
Jenkyn John@ Raulyn and John@ hor heires and hor assignes for euer-more as in A dede to the foresaides Jenkyn John@ Raulyn and John@ therof
made more playnly ys made menshone that the saides Jenkyn John@ Raulyn and John@ shune enfeffe Agnes my wyfe to terme of her lyve in all the
foresaide meses londes and tenementes wyth Byledynges and all other purtynaunce opon condysshone that the saide agnes shall pay my dettes
And gouerne my chyldre be the avyse and the dyscresshone of the foresaydes Jenkyn John@ Raulyn and John@ And ouer that J woll that the saide
Jenkyn John@ Raulyn and John@ after the dissese of the saide Agnes my wyfe enfeffen John@ my sone in All the foresaide meses londes and
tenementes as hyt yt above-saide to have and to holde to the saide John@ my sone and to the heires of his body lafefully begeten and for
faute of yssu of the saide John@ my sone to myn heires male of my body lafefully begeten And for faute of yssu male of my body
lafefully begeten choyntely to my doghtres And for faute of yssu of my doghtres lafefully begeten J wolle that all yose londes and
tenementes the wheche hamlyn Chanu my grauntesire sumtyme hade in wyghtreston@ of the gyfte and the feffemente of Roger of Blakhurste
remayne to the saide Jenkyn of Roop and to his heires for euer-more . And that the beforesaide Mese wyth all the londes lyande to that
ys calde Oteedysshe in walgherton@ remayne to the saide John@ John@ sone of wetenhale and to his heires for euer-more And that the foresaide
thre meses wyth the londes lyande to <symbol> in wystanston@ of the wheche one ys calde the westelee and A-nother ys calde stanyfort And
the thryd mese wyth A crofte And one oxyong of londe lying in the Tounefyldes in wystanston@ remayne to Jenkyn of Moole and
to his heires for <ill><1 word></ill> more . Jn wyttenes of wheche wille J the saide Thomas Chanu have sette to my seal wryten at wyghtreston@
the Monenday next before the Natiuitee of seint John@ the Baptiste the yere of kyng harry the syxte after the conqueste the sixte