<County: Durham>
<Code: L1247>
<MS reference: Gosforth, Northumberland Record Office, ZAN. M17/109/54 and 55>
<Text: Marriage settlement>



<m17/109/54>This Jndentur~ maide þe sexte daye of Auguste þe 3ere of owre lorde ml CCCClxvi/t Be-twyxe Thomas lorde
lomley on þe tonn partye Ande Sir~e Will3am lomley knyght onn þe tothir~ party beris witnesse that þe said thomas
lorde lomley . Ande Sir~e Will3am lomley knyght ar~ accorditte be way of A mariage to be hade be
twyxe Bartraham lomley nevewe to the said Sir~e Will3am lomley And Margarette Doghtir~e to þe
said Thomas lord lomley that þe said Sir~e Will3am lomley knyght shall giffe and graunte and be his
chartour conferme that aftir~e his decesse to þe said Bartraham lomley and Margarette Doghtir~e to ye saide
thomas lorde lomley and to athir~e of thaim for~ þe termm of þer liffe And to þe herysse be-twyxe thaim
two gettyn@ all þe lande and tenament in þe tovnn of lamesley þe whilke is nowe in þe tenour of Johnn
gamelisvey Withe þe mylnn thaitt is callid Dompeir~ Milnn in þe tenour of þe same said Johnn gamelisvey . And
also tyrle mylnn now in the haldyng~ of Will3am thomsonn of þe same tovnn of lamesley to have and to hald
all the said lande tenament with þe myln~ aftir~e þe decesse of þe said Sir~e Will3am to þe said Bartraham
and margarette in manere and forme a-boun-said . And þe saide Sir~e Will3am lomley knyght hase grauntide
for hymm and for hise heresse that Dame Eli3abeth hise Wiffe shall have a infefment to þe valow of . v .
marke to term@ of liffe for a relesse to be hade of þe saide Dame Eli3abeth of hir~ third of þe said
land tenament With þe myln~ giffe euer ye case requir~ And Also þe said Sir~e Will3am hase permyside
that all and ilke thynges a-boun-said shall be execute in dewe forme be the avice of lernyd menn
be-twyxe þe [day] dat~ of this presente and þe fest of all halows next for to comm in wittnesse of all this
thynges a-boun-saide the partys to this indentur~ entyrchanchabilment hase sett to thair~e sellys Grauntide
at þe Castell of lomley þe day and þe 3ere a-boun-saide .

<m17/109/55>This Jndentur~ maide þe sexte day of Auguste þe 3ere of owr~ lord Ml CCCClxvjt Be-twyxe Thomas lorde
lomley on ye tonn partye . Ande Syre Will3am lomley knyght onn ye tothir~ parti beris witnesse that þe said Thomas
lorde lomley Ande Sir~e Will3am lomley knyght ar~ accorditte be way of A mariage to be hade Be
twyxe Bartraham lomley nevewe to þe said Sir~ will3am lomley And Margarette Doghtir~e to ye said
Thomas lorde lomley that ye saide Sir~e Will3am lomley knyghte shall giffe and graunte And be his
chartour conferme thate aftyre his decesse to ye saide Bartraham lomley and Margarette doghtir~e to ye
saide Thomas lord lomley ande to athir~e of thaim for~ þe terom@ of þer liffe and to þe herysse be
twyxe thaim two gettyn@ All the lande and tenament in ye townn of lamesley þe whilke is
Nowe in ye tenour of Johnn of Gamelisvey Withe ye mylnn that is callide Dompeyr~ mylnn in ye tenour
of þe same . said Johnn Gamelisvey And also tyrle mylnn nowe in the haldyng~ of will3am thomson
of þe same townn of lamesley to have and to hald all þe said land tenament Withe þe mylnys
Aftyre þe Decesse of þe said Sir~ will3am to þe said Bartraham and Margarette in manere and
forme a-boun-saide And þe said Sir~e will3am lomley knyght hasse grauntide for~ hymm and for . e
hise herysse that Dame Eli3abethe hise wiffe shall have A infefment to ye valowe of . v .
marke to terme of liffe for A relesse to be hade of þe said Dame Eli3abethe of hyre
thyrde of þe said land tenament withe þe Milnysse giffe euer the case requir~ . And also
the said Sir~e Will3am hase permyside that all and ilke thyng~ a-boun-saide shall be execute
in dewe forme be the a-vice of lernyd menn be-twyxe þe ˆ [day] Dat~ of þis presente and þe feste
of all halowse nexte for to come . Jn wittnesse of all this thynges a-boun-said the partys
to this indentur~ entyr-chanchabillement hase seitte to thair~e sellys Grauntyde at þe
castell of lomley þe Day and þe 3ere a-boun-said .