<County: Yorkshire North Riding>
<Code: L1210>
<MS reference: Northallerton, North Yorkshire County Record Office, ZDS I 2/6>
<Text: Award>


This is the a-warde of a-corde made at semer in ye presence of a ryght worchypfull lord . Erle of Northumberland be-tuex
John@ of Grene . of Neuby Thomas of Grene ˆ [Richard] hys brether of certayne lande3 & tenement3 . variable . betuex . yem wyche
sumtyme . was Robert of Grene yair brother yat es for to say . ytt ye forsayd John of Grene sall haue ye Motte<?> in .
Topclyff wyth <exp>a</exp> ye purtenance in ye same Tawne . wyth all the lande3 & tenement3 . yt ye sayd Robert sumtyme .
had in Mynskypp & dalton to hym & to hys heire3 of hys body gettyn@ and in defaut~ of heire3 . laufully . of hys .
body . gettyn@ to turne to ye forsayd Thomas & to hys heire3 . And ye sayd Thomas of Grene sall haue . to hym~ & to hys
heire3 . of hys body . laufully . gettyn@ all ye lande3 & tenant3 . yat ye forsayd Robert had in dysford & Aystenby . as welle .
of hys awn purchas as yat at come hym be gyft of Robert Alwent and in y defawt of heire3 . laufully of hys .
body gettyn@ to turne to ye forsayd John@ of Grene & to hys heire3 . saueyng~ onely . yat in defaut of heire of ye sayd
Thomas laufully gettyn@ the sayde lande3 & tenant3 wich mowyd of the sayd Robert Alwent to turne to Richard .
of Grene yer brother & to ye heire3 of hys body . laufully gettyn@ & so furth as it was gyn@ in taille And ye forsayd .
Richard sall haue . to hymm & to hys heire3 of hys boddy . gettyn@ lawfully a Mese wyth certayn@ lande3 langyng~
yer-to & all other comodite3 in kyrkbywysk yat was ye forsayd Johns of Grene . And in+defaut of heire3 of hys .
body . lawfully gettyn@ to turne a-gayn@ to ye sayd John & to hys heire3 . And on~ yat ye forsayd John@ & Thomas
sall ayther releys till other~ in taile lyke as it es aforsayd And as touchyng~ a plugh of lande . in ye sayd
Tawne of Aystenby . charged wt vj marc~ be yhere ye forsayd Thomas to haue ye occupacion~ & ye lattyng~ yer-of
beryng~ ye ˆ [same] <1 or more chars> charge . gyf it may be fundyid laufully . anentes ye forsayd John@ of Grene & his heire3 in .
taile for euermore . and to yis acord forsayd ye forsayd ryght worchypfull lord Erle of Northm@ for variaunce .
in tyme comyng~ hase sett hys sele . in ye presence of hys Counsell & delyuerd [ye sayd sele] to ye sayd Thomas Grene to kepp
& yis es ye cope yer-efter wt-owtyn@ wariance vnder ye forsayd Thomas sell