Hopp til hovedinnhold

Norsk 1, emne 2: Språkstrukturar og tekstskaping - med vekt på mellomtrinnet MGL2121

Dette er eit innføringskurs i språket som system og språket i bruk med vekt på mellomtrinnet. Her blir ein introdusert for arbeid med eleven si språklege utvikling, både munnleg og skriftleg, på mellomtrinnet. Arbeid med tekstar, både munnlege og skriftlege, står sentralt.


Dette er emnebeskrivelsen for studieåret 2021-2022. Merk at det kan komme endringer.

Fakta
Emnekode

MGL2121

Vekting (SP)

15

Semester undervisningsstart

Vår

Antall semestre

1

Vurderingsemester

Vår

Undervisningsspråk

Norsk

Tilbys av

Fakultet for utdanningsvitskap og humaniora , Institutt for grunnskulelærarutdanning, idrett og spesialpedagogikk

Læringsutbytte

Kunnskap

Kandidaten:

  • har god kunnskap om språket som system og språket i bruk
  • har kunnskap om språkleg identitet, norsk som andrespråk og fleirspråkleg praksis
  • har kunnskap om samisk språk, litteratur og kultur - og om urfolks situasjon
  • har god kunnskap om skriving, vurdering, respons og tekstutvikling
  • har god kunnskap om munnleg kommunikasjon, med vekt på vidareutvikling av grunnleggjande ferdigheiter

Ferdigheiter

Kandidaten:

  • kan analysere språk og språkbruk og gjere greie for faglege val som skal fremje munnleg og skriftleg språkutvikling
  • kan motivere elevar for skriving og vurdere og rettleie ut frå den enkelte elev sine behov og føresetnader
  • kan motivere elevar til munnleg presentasjon og vurdere og rettleie ut frå den enkelte elev sine behov og føresetnadar
  • kan leggje til rette for læringsfremjande og meiningsutvekslande munnleg kommunikasjon i klasserommet
  • kan vurdere og bruke ulike metodar og ny teknologi i den vidare skrive- og leseopplæringa og tilpasse opplæringa for elevar med ulik bakgrunn og varierande ferdigheiter i norsk
  • kan leggje til rette for at elevar på mellomtrinnet får skrive sak- og fiksjonstekstar for ulike formål og i ulike sjangrar og medium
  • kan kjenne att teikn på lese- og skrivevanskar og kjenne til korleis ein går fram for å ivareta eleven innanfor aktuelle instansar

Generell kompetanse

Kandidaten:

  • kan leggje til rette for at elevane på mellomtrinnet vidareutviklar grunnleggande språkferdigheiter, både munnleg og skriftleg
  • kan leggje til rette for at elevane på mellomtrinnet blir tekstkyndige språkbrukarar som kan delta aktivt i klasserommet og på andre sosiale arenaer
  • kan planleggje, gjennomføre og reflektere over norskundervisning i sentrale emne og gjere greie for elev- og trinntilpassa val
  • kan vurdere eigen praksis på mellomtrinnet opp mot gjeldande læreplanar, fagkunnskap og fagdidaktisk innsikt og kunnskap
  • kan formidle fagstoff om språk og tekstar i relevante uttrykksformer for mellomtrinnet
  • kan skrive meir avanserte akademiske tekstar og er stø i nynorsk
Innhald

Emnet Språkstrukturar og tekstskaping - med vekt på mellomtrinnet fokuserer på arbeid med språket som system, språket i bruk og eleven si språklege utvikling, både munnleg og skriftleg, på mellomtrinnet.

Å motivere elevar til å skrive og lese, utvikle språket sitt munnleg og skriftleg og reflektere over eigen (og andre sin) språklege identitet, er sentrale arbeidsområde på mellomtrinnet. På mellomtrinnet skal alle elevane, uansett førstespråk, vidareutvikle lese- og skriveferdigheitene sine slik at ferdigheitene kan vere ei kjelde til oppleving, eigenutvikling, refleksjon og læring. Gjennom studiet blir lærarstudenten utfordra til å reflektere didaktisk over desse prosessane slik at han/ho får reiskapar og inngangar som profesjonaliserer han/ho i hans/hennar yrkesutøving.

Studentane i studiefaget norsk blir utfordra innanfor relevante problemstillingar knytte til ulike typar tekstar og tekstforventningar: Elevar på mellomtrinnet møter og skal uttrykkje seg i og gjennom mange slags tekstar, og dei har ulik teksterfaring og tekstkompetanse. Korleis språket som system og språket i bruk spelar saman, er derfor viktige tema å få kunnskap om og innsikt i for framtidige lærarar. Av same grunn er arbeidet med elevtekstar og rettleiing også sentrale tema, både for elevar med norsk som førstespråk og elevar med norsk som andrespråk.

I tillegg blir det lagt vekt på at studenten skal arbeide med eigen språklege kompetanse, både munnleg og skriftleg (på begge målformene).

Forkunnskapkrav
MGL2120 Litteratur, lesing, samtale - med vekt på mellomtrinnet
Eksamen / vurdering
Vurderingsform Vekting Varighet Karakter Hjelpemiddel
Heimeeksamen 1/1 7 Dagar A - F

Målform: nynorsk.Omfang: 4000 ord (+/- 10%). Eventuelle vedlegg blir ikkje rekna med i omfanget. 

Vilkår for å gå opp til eksamen/vurdering
Praksisoppgåve i gruppe, Individuell tekst på nynorsk til rettleiing, Obligatorisk undervisning

Praksisoppgåve i gruppe, individuell tekst på nynorsk til rettleiing og obligatorisk undervisning.

Arbeidskrav 1: Praksisoppgåve i gruppe

Arbeidskrav 2: Individuell tekst på nynorsk til rettleiing

Studentar som får eitt eller begge arbeidskrava vurdert til ikkje-godkjend ved første innlevering, får lov til å levere inn på ny ein gong i omarbeidd form.

Begge arbeidskrava må vere godkjende for at studenten skal ha rett til å gå opp til eksamen.

Undervisninga er lagt opp slik at det norskfaglege lærestoffet skal relaterast til læraryrket gjennom fagdidaktiske refleksjonar saman med studentane. Det er derfor eit krav om minimum 70 % oppmøte i norskundervisninga. Dette arbeidskravet må også vere godkjend for at studenten skal ha rett til å gå opp til eksamen. 

Fagperson(er)
Emneansvarleg: Gølin Christine Kaurin Nilsen
Faglærar: Gølin Christine Kaurin Nilsen
Praksiskoordinator: Ivar Bjørnsen
Studiekoordinator: Kjersti Gjedrem
Arbeidsformer
Arbeidsmåtar vil vere forelesingar med diskusjonar og studentdrivne samtalar, omvendt undervisning, seminar, gruppearbeid, gruppepresentasjonar, individuelt arbeid og oppgåveskriving. Det blir også digitale diskusjonar. 
Åpent for
Grunnskulelærarutdanning for trinn 5-10, femårig masterprogram
Emneevaluering
Emnet blir evaluert i tråd med det gjeldande kvalitetssystemet ved UiS. 
Litteratur
Søk etter pensumlitteratur i Leganto