Det helsevitskaplege fakultet

Studietilbod

Vi har to svært ettertrakta bachelorutdanningar i sjukepleie og paramedisin, tverrfaglege masterprogram i helsevitskap, rus og psykisk helsearbeid og prehospitale tenester, samt sjukepleiefaglege spesialiseringar innan jordmorfag, helsesjukepleie, anestesi-, intensiv- og operasjonssjukepleie og kreftsjukepleie.

• Finn vårt studietilbod

Våre tilsette har stort engasjement for faget, og utviklar nye undervisningsmetodar og verktøy som gjer god læring for våre studentar. Innan både utdanning og forsking har vi fokus på digitalisering, tverrfagleg samarbeid og simulering. I HelseCampus øver våre studentar på praktiske prosedyrar og simulerer situasjonar som er relevante for utfordringane dei vil møte i praksis og i arbeidslivet.

Fakultetet har ei tverrfagleg forskarutdanning innan helse og medisin. Våre doktorgradskandidatar får samarbeide med sterke fagmiljø og forskarar, og delta i spennande forskingsprosjekt. Vi er òg vertskap for PROFRES - ein nasjonal forskarskule for profesjonsretta og praksisnær forsking innan områda helse, velferd og utdanning.

Forsking

Vi er leiande i utvikling av kunnskap innan simulering, pasienttryggleik og kvalitet i helsetenestene. Forskinga vår på tiltak som kan fremme helse, auke deltaking og styrke relasjonskompetanse gjer praksisfeltet eit godt kunnskapsgrunnlag for kvalitetsforbetring, utvikling og innovasjon.

Utfordringar i helsesektoren blir i aukande grad møtt med digitalisering og innføring av ny teknologi. Å kunne arbeide tverrfagleg og bruka teknologi i kopling med helse blir stadig viktigare. Ved fakultetet forskar vi på tverrfagleg samhandling, implementering av helseteknologi, og utfordrar aktuelle etiske dilemma for å sikre gode, kunnskapsbaserte tilbod for pasientar og brukarar av helse- og omsorgstenester.

Finn ut meir om våre forskingsområder under.

Fakultetsadministrasjonen

Fakultetsadministrasjonen ved Det helsevitskaplege fakultet har tilhold i Kjell Arholms hus, 1. etasje. Fakultetsdirektør Arne Endresen leiar administrasjonen.

Opningstider i ekspedisjonen er:

Mandag til fredag fra kl. 09:00-14:00

Kontakt:

E-post: helsefag@uis.no Telefon: 51 83 41 00

Finn tilsette i fakultetsadministrasjonen

Fakultetsstyret

Fakultetsstyret skal mellom anna fastsetje studietilbod, og fremme forslag til universitetsstyret og utdanningsutvalet, og definere område for satsingar innan forsking og samfunnskontakt. 

Fakultetsstyret har 9 medlemmar, og består av vitskapleg og administrativt tilsette, studentar og eksterne representantar.

Styret på fakultetet 2025-2029

Leiar: Per Haarr (tidlegare assisterande rådmann i Stavanger kommune)

Nestleiar: Anne Marie Joa (Stavanger Universitetssjukehus)

Vitskapleg tilsette: Irene Sirevåg, Cecilie Haraldseid-Driftland, Kristine Rørtveit og Kristin A. Laugaland

Teknisk/administratrivt tilsette: Camilla Aa. Jensen

Styret har også to studentrepresentantar.

Her finn du sakspapira til styret.