Eksamenskonsert med dirigentstudent Omer Shteinhart

Saman med Stavanger Symfoniorkester (SSO) inviterer Fakultet for utøvande kunstfag til eksamenskonsert med Omer Shteinhart som er dirigentstudent ved UiS og assistentdirigent i SSO.

Konserten er gratis, men du må ta ut ein billett på førehand på SSO sine sider her. Billettane er unummererte.

Her er noko av musikken du vil få høyre:

Nino Rota (1911-1979) – Divertimento Concertante for kontrabass og orkester, 1. sats (1971) 9 min

Nino Rota er best kjend for å ha skrive filmmusikken til The Godfather (1972), og oppfølgaren i 1974, som han vann Oscar for. I 1971 komponerte han Divertimento Concertante for kontrabass og orkester, og på denne konserten får du høyre første sats av dette verket.

Ernest Bloch (1880-1959) – Poems of the Sea (1922) 9 min

Ernest Bloch var ein svært individuell komponist. Han var ikkje banebrytande for noko ny musikkstil, men snakka med ein særeigen stemme. Han er også kjend for å bruke hebraiske tema i verka sine.

Igor Stravinskij (1882-1971) – Ildfuglen (1919-versjon) 20 min

Ildfuglen er ein ballett i éin akt og to scener, til musikk av Igor Stravinskij. Basert på forskjellige russiske folkeeventyr forteller balletten om prins Ivan som fangar ein merkeleg ildfugl.