Julekonsert med Bjergsted jazzensemble og Bjergsted vokalensemble

Velkommen til den årlege julekonserten med Bjergsted jazzensemble og Bjergsted vokalensemble!

Denne kvelden har eit program med stor variasjon i uttrykk, og du som publikum kan glede deg til både nye og gamle arrangement på kjente og kjære julesongar i storbandbesetning. Det vil bli solistiske innslag frå jazzlinja ved UiS Fakultet for utøvande kunstfag sine talentfulle studentar.

Ensemblet, beståande av studentar og tilsette frå jazzmiljøet ved UiS, har i snart 20 år vore ein viktig bidragsytar i regionens kulturliv. Kunstnarleg leiar for ensemblet er i dag Simen Kiil Halvorsen. Bjergsted vokalensemble er leia av Anita Kaasbøll og utforskar friimprovisert og eigenarrangert musikk. Dei leikar med klangar, groove, tekst og dynamikk og skapar på denne måten ulike musikalske landskap berre ved bruk av stemmen som instrument.

Skaff deg billett på Stavanger Jazzforum sine nettsider her.