UiS har auka sin forskingsproduksjon frå 2020 til 2021 og ligg på ein fjerdeplass blant universiteta om ein ser på publikasjonspoeng per vitskapleg tilsett.
Universitetet i Stavanger held fram med si auking av forskingsproduksjon. Det viser 2021-tala som i dag er publiserte på Database for statistikk om høgare utdanning.
Samla har UiS 1407,6 publikasjonspoeng i 2021. Ei auking på 5,6 prosent samanlikna med 2020 då vi hadde 1332,5 publiseringspoeng.
UiS sine samla publikasjonspoeng år for år:
2021: 1407,6
2020: 1332,5
2019: 1298,1
2018: 1137,5
Fjerdeplass blant universiteta
Talet som viser kva UiS i gjennomsnitt produserer av forsking per vitskapleg tilsett er på 1,29 publiseringspoeng. Her har UiS ein liten nedgang frå i fjor, men stadig over gjennomsnittet og stadig blant dei universiteta som er mest produktive, berre bak dei tre store: UiO, UiB og NTNU.
Publikasjonspoeng per vitskapleg tilsett ved norske universitet 2021:
Universitetet i Oslo (1,86)
Universitetet i Bergen (1,61)
Noregs teknisk-naturvitskaplege universitet (1,44)
Universitetet i Stavanger (1,29)
Norges miljø- og biovitskaplege universitet (1,23)
Universitetet i Agder (1,23)
Universitetet i Tromsø – Noregs arktiske universitet (1,03)
Nord universitet (1,02)
OsloMet– storbyuniversitetet (0,99)
Universitetet i Sørøst-Norge (0,81)
Om ein ser på publikasjonspoeng per vitskapleg tilsett på fakulteta utmerkar Det teknisk-naturvitskaplege fakultetet ved UiS seg med 1,92 poeng per vitskapleg tilsett.
Tekst: Karen Anne Okstad