Jazzutdanninga i Stavanger held til på campus Bjergsted i hjartet av Bjergsted kulturpark.
Jazzutdanninga i Stavanger blir kjenneteikna av eit sterkt og mangefasettert fagmiljø som har eit fokus på gehørbaserte læringstradisjonar. Seksjonen høyrer til Avdeling for jazz, dans PPU og musikkproduksjon ved Fakultet for utøvande kunstfag.
Søknadsfrist for studier i utøvende musikk er 15. desember. Les alt om studieprogrammene og hvordan du søker her.
Me ynskjer at studentane våre skal etablera ei solid instrumental forståing i forholdet mellom tradisjon og nyskaping. Fakultetet har på vegner av jazzutdanninga etablert eit nært samarbeid med eksterne partnarar både lokalt, regionalt og internasjonalt. Stavanger Jazzforum, Stavanger konserthus og Tou Scene er alle døme på institusjonar som bidrar inn i eit unikt og kreativt studiemiljø for jazzstudentane våre
Det siste tilskotet i studieporteføljen er vårt nye DigJazz-studium, som er ei nettbasert vidareutdanning i improvisasjonsmusikk og gir ei innføring i gehørbaserte metodar for pedagogar og musikarar som ønsker å utvida sin musikkfaglige kompetanse.
Blå Trå og Bjergsted jazzensemble er arenaer der studentane blir gitte høve til å jobba med både nasjonale og internasjonale jazzstjerner
Bjergstedparken
Jazzutdanninga i Stavanger er plassert i Bjergsted kulturpark, som består av ei rekke kulturinstitusjonar som har eit tett samarbeid med fakultetet generelt og jazzutdanninga spesielt. I Bjergsted finst kulturskule, MDD-linja ved Stavanger katedralskule og Stavanger konserthus, der Stavanger symfoniorkester held hus. Stavanger Jazzforum og MaiJazz er dei viktigaste samarbeidspartnarane til utdanninga. I austre bydel ligg Tou Scene som også bidrar inn i eit kreativt studiemiljø for jazzstudentane våre.
Di musikalske stemme
Avhengig av kor langt du er nådd i studiet ditt så vektlegg UiS at du skal utvikla den personlege musikalske stemma di hos oss. På årsstudium og bachelor blir fundamentet lagt for ei livslang utvikling innanfor utøvande musikk. På vidareutdanning, master og PDM vil det i stigande grad vera fokus på å utvikla spesialisert kunnskap retta inn mot ein fleksibel arbeidsmarknad.
Samspel
Samspel og konsertverksemd er ein fullt integrert del av studiekvardagen ved UiS. Du vil delta i ensemble av ulik samansetning. Blå Trå og Bjergsted jazzensemble er arenaer der studentane blir gitte høve til å jobba med både nasjonale og internasjonale jazzstjerner. Du blir òg utfordra på å bidra til organisering av produksjonar undervegs i studieforløpet.
Les meir
Studier
ved Fakultet for utøvande kunstfag
