Fleirspråkleg digitalt barnebokbibliotek

• Bruk bøkene i små og store barnegrupper, og introduser alle barna for dei ulike språkvariantane.
• Prøv storskjerm: Les bøkene i felleskap på storskjerm.
• Små grupper gir tryggleik: For barn som ikkje let seg engasjere i større grupper, sjå om det fungerer med mindre grupper på iPad eller éin og éin. Dette kan fungere særleg godt med barn som kan ha utfordringar med å føle seg trygge med ukjente vaksne.

Gode råd frå Elise A. Aastvedt (Lensmannsgården barnehage) og Margrethe Jernes og Trude Hoel (prosjektleiarar i Sprell).

Barna har stor nytte av å høyre fleire språk.

• Les bøkene på norsk og introduser alle barna for dei andre språkvariantane.
• Å lese og lytte til bøker på fleire språk er både inkluderande for fleirspråklege barn og spennande for dei andre barna.
• Å lese på eige morsmål bidrar også til å auke barnas tekstforståinga på norsk.

Gode råd frå Mette Bru Voll og May-Elin Reime (Rosktoppen barnehage), Margrethe Jernes og Trude Hoel (prosjektleiarar i Sprell).

Gjer lesinga levande og uformell:

• Bruk teikn og konkretar saman med barna i fordbindelse med lesing, og ta dykk tid når de les saman.
• Frå bok til leik: Enkle objekt kan òg brukast i samanheng før, under og etter lesinga, noko som gjer at språklæringa fortsett inn i leik og andre aktivitetar.
• Ver spontan: Set av tid til lesing, men gjer det og spontant når du ser det passar. Fem minutt kan vere meir enn godt nok!

Gode råd frå Anja Macura og Bente Hansen (Solås barnehage) og Elise A. Aastvedt (Lensmannsgården barnehage).

• Set lesing på agendaen: Snakk om bøker på personalmøte og foreldremøte. Trekk fram kor kjekt det er å samlast rundt ei god bok heime med barna!
• Del lesegleden: Fortel føresette om bøkene og oppfordre dei til å ta seg tid til å lese og prate om bilda heime.
• Ikkje gje opp: De må gjerne arbeide litt ekstra med nokre av dei føresette, men ikkje gje opp! Lesestunda kan vere til stor glede for både barn og vaksne.
• Følg med på feltet: Orienter deg i nye bøker og følg med på bokmeldingar for barn.

Gode råd frå Mette Bru Voll og May-Elin Reime (Rosktoppen barnehage) og Agnes-Margrethe Bjorvand (Universitetet i Agder).