Bruk sommaren til å samle gode leseerfaringar – det gir motivasjon til å lese meir.
Sommaren er super lesetid!
Utan faste timeplanar og fritidsaktivitetar er det lettare å finne tid til lesekos. Nettopp derfor er sommaren ein viktig periode for å styrkje elevane sine lesevanar.
Når skuleåret går mot slutten, opnar det seg ei unik moglegheit: Sommaren gir rom for ro, opplevingar – og lesing.
Å lese litt gjennom sommaren bidreg til å halde lesinga «i gang». Når elevane kjem tilbake til skulen, blir overgangen enklare, og motivasjonen for vidare lesing er ofte større. Små leseøkter kan utgjere ein stor forskjell.
Tips du kan gi vidare til heimen
- Bruk sommaren til å samle gode leseerfaringar – det byggjer motivasjon
- Hald lesinga ved like – oppretthald enkle rutinar
- Les inne når det regnar, og ute når sola skin
- Vel tekstar som interesserer barnet – alt tel!
- Lesing gir ro, avkopling og gode ferielesevanar
- Ta med boka på tur
- Oppmod til skjermpausar – både for barn og vaksne
- Bli med på Sommarles og lesebingo
Her kan du laste ned plakaten som oppmodar til lesing i sommar. Del han digitalt eller som ranselpost.
Del bodskapen!
Vi har laga ein plakat som kan delast med føresette og elevar før ferien. Del han digitalt i læringsplattformar – eller send han som ranselpost heim.
Den enkle oppmodinga er klar: Les litt kvar dag – alt tel!
Saman kan vi bidra til at fleire barn held lesegleda ved like gjennom sommaren – og kjem tilbake til skulen klare for nye leseopplevingar.
Lesebingo og Sommarles
Hugs å tipse om Sommerles, den nasjonale lesekampanjen som gjer det ekstra gøy å lese gjennom heile ferien.
Vi på Nasjonalt lesesenter har laga ein lesebingo der ein kan vinne ei kasse med bøker til klassen eller SFO-en til eleven.
Saman kan vi inspirere fleire barn til å halde lesinga i gong – heile sommaren!
Tekst: Bjørn Olav Skjæveland, kommunikasjonsrådgivar Nasjonalt lesesenter
