Lesing i fag

Lesing er ikkje noko som berre tilhøyrer norskfaget. Dei fleste fag nyttar lesing i ei eller anna form. Når elevane møter tekstar i ulike fag med formål om at dei skal læra faget, kan lesinga opplevast som meiningsfull. Det å lesa i eit fag, uansett kva for eit fag det er, handlar det å kunna finna informasjon, for vidare å tolka og reflektera kritisk rundt informasjonen. Samstundes har tekstar i ulike fag sine eigne språk og må lesast på sine eigne premissar. Der ein samfunnsvitar i møte med tekst er opptatt av å tolka bodskapet og reflektera kritisk over dette, så treng kokken å skaffa seg oversikt over alle deler, oppgåvene og ingrediensane for å laga seg en tidslinje for matlaginga. På denne sida har vi samla ressursar som kan danne grunnlag for diskusjon i kollegiet og eksempel på undervisningsopplegg. Her finn du ressursar som blant anna viser korleis læraren kan støtta elevane i møte med tekst, blant anna gjennom å stilla spørsmål til teksten og modellere korleis ein erfaren lesar tenker undervegs i lesinga. Undervisningsopplegga er utforma i tråd med prinsippa bak Leseplanleggaren som sikrar samanheng mellom mål for undervisninga, innhald, arbeidsmåtar og vurdering.