Framtidas klasserom handlar om å fremje lærarstudentenes profesjonsfaglege digitale kompetanse, ved å få studentane til å tenkje heilskapleg rundt pedagogikk, didaktikk og utforminga av undervisningsrom i samspel med teknologi.

Didaktisk digitalt verksted (DDV) er ein annleis læringsarena med soner for utforsking og eksperimentering og for deling i plenum. Verkstaden inneheld alt mogleg utstyr frå spillmaskiner, dronar og kodeutstyr, til VR-briller, tegnebrett og iPader med ei rekke nyttige apper. Det finst òg eit eige skaperrom med mellom anna 3D-printere, vinylkutter og laserkutter. Tanken er å gi lærarutdanningane ein smakebit på klasserommet i framtida.

DDV er laga spesielt med tanke på lærarutdanning, og alle dei digitale verktøya som er tilgjengeleg skal kunna brukast i undervisningssamanheng. Målet er å legga til rette for at studentane skal kunna reflektera over prosessar, læring, kompetansar, didaktikk og pedagogikk, og på den måten gjere det mogleg å utvikle eigen profesjonsfaglige didaktiske kompetanse.

Rommet er delt inn i tre ulike sonar, som kvar er veleigna til ulike aktivitetar:

• Wild Child (utforsking, deling og kritisk tenkning)
• Make it (makerspace, koding, 3D-print)
• Game on (dataspel, VR, Adobe)

Studie-emne "Å være lærer i det teknologirike klasserommet" (MGL1700)

Emnet sikter mot å bidra til forståing av lærerprofesjonen og profesjonell utøving av lærararbeidet i det teknologirike klasserommet. I emnet inngår både praktisk arbeid med og utforsking av ulike teknologiske reiskap, samt diskusjon og drøfting av kva for endringar, moglegheiter og utfordringar det teknologirike klasserommet inneber for både lærar- og elevrollen. Kompleksitet og dilemmaer vektleggjast, og studiet siktar mot å bidra til ei utvida forståing av undervisning som ulike digitale kunnskaps -og læringsmøter.

Åpen dag 7. mars 2023- besøk oss!