Får støtte til forsking på risikotaking

Prosjektet, «Dynamic Skewness Preferences in Repeated Risk-Taking», undersøker om menneske vurderer skeive risikoutfall annleis når dei møter tilsvarande val fleire gonger.

Eit investeringsalternativ med liten sannsynlegheit for ein svært stor gevinst kan til dømes verke attraktivt som eit enkeltståande val, men bli vurdert annleis når liknande avgjerder må takast mange gonger.

Forskarane skal kombinere anonymiserte data om norske hushald sine investeringar med økonomiske modellar og kontrollerte eksperiment.

Dei vil mellom anna undersøkje korleis gjentaking, tidspunktet for utfalla og korleis gevinstar og tap blir vurderte, påverkar risikotaking.

Lambrecht skal gjennomføre prosjektet saman med Bernt Arne Ødegaard og Olga A. Rabanal ved UiS, Topi Miettinen ved Hanken School of Economics og Illia Pasichnichenko ved University of Sussex.

– Det er svært spennande og oppmuntrande å få FRIPRO-midlar. Eg ser no fram til å realisere ideen saman med dei andre forskarane i prosjektet. Vi håpar at prosjektet kan gi ny kunnskap om korleis menneske tek gjentekne avgjerder under risiko. Dersom resultata er lovande, kan dei òg danne grunnlag for ei større oppfølging som undersøker dei mest interessante funna nærare, seier Lambrecht.

LES MER: 269 millioner kroner til toppforskning på blant annet matematikk- og leseferdigheter