Som første på UiS har Silje Haus-Reve oppnådd kvalifikasjonsopprykk frå tenure-track

Silje Haus-Reve er den første på Handelshøgskolen ved UiS og ved Universitetet i Stavanger, som får eit kvalifikasjonsopprykk frå tenure-track (innstegsstilling) stilling til å bli fast tilsett (tenured).

Til søknaden om opprykk leverte ho fem publiserte artiklar, samt tre under vurdering. Tre av artiklane er publisert på aller høgaste nivå, ifølge Academic Journal Guide (AJG 4*/4). Eit sitat frå komiteen om ein av artiklane er: Oppgåven er velskriven og metodisk kompetent og gjer eit betydeleg bidrag til litteraturen om regional utvikling og innovasjon.

I hennar evaluering står det at ho har balansert eit høgt nivå og kvalitet på forskingsresultat, samtidig som ho har undervist og bidratt til ulike typer tenester for universitetet og forskingsmiljøet rundt. Det var einstemd anbefalt at ho skulle få opprykk.

Eigentleg har ein med innstegsstilling sju år på å kvalifisere seg inn i ei fast stilling, men Haus-Reve klarte det på eitt år og åtte månader.

Ola Kvaløy er dekan ved Handelshøgskolen ved UiS og synest innstegssystemet har ei stor betyding.

– Vårt innsteg-system er veldig viktig både for å tiltrekke talent og for å gje dei gode og forutsigbare rammevilkår. Me stiller høge krav, og det er ein stor glede at Handelshøgskolen nå har fått sin første kandidat gjennom. Silje er ein svært dyktig forskar og førelesar, og det er imponerande korleis ho på kort tid har kvalifisert seg for fast stilling gjennom eit krevjande innstegsløp.

Haus-Reve har sjølv skrive ein kronikk om innstegsstillingane (ekstern lenke), og at dei ikkje må skrotes, i Khrono.

Les også om DiveOpp, eit nytt analyseverktøy som Haus-Reve er medgründer og administerande direktør for.