– Spesialisering i forretningsjus er eit kunnskapsfelt det er stor etterspurnad etter

Master i forretningsjus blei etablert på Handelshøgskolen ved UiS hausten 2021. Dette er ein juridisk utdanning med økonomifokus som gjer deg spesialkunnskap om forretningsjuridiske emne.

Interessert? Her kan du lese meir om mastergraden i forretningsjus.

Helen Totland Christensen er partnar i EY Stavanger. Ho meiner ein får store moglegheiter i karriera med ein slik grad, og at fleire bedriftar er på jakt etter dei med ein slik kompetanse.

Kva slags behov er det i næringslivet for kandidatar med mastergrad i forretningsjus?

Ofte blir jusutdanninga forbunde med prosedyreadvokaten i det tradisjonelle advokatfirma eller hos påtalemyndigheita. For å kunne prosedere i retten må ein ha fullført femårig juridisk profesjonsstudium og oppnådd mastergrad i rettsvitskap.

Det mange derimot ikkje er bevisst nok på er det stadig aukande behovet for dei med juskompetanse i det private næringslivet. Her snakkar me i enda større grad om rådgjeving enn den tradisjonelle tvisteløysinga. Bedriftar og organisasjonar i næringslivet vil ofte vere i skjæringspunktet mellom juss og økonomi. Det samme gjeld også for blant anna dei store revisjons- og rådgjevingsselskapa som heller ikkje har prosedyre og tvisteløysing som sitt kjerneområde. For desse bedriftane vil ei spesialisering i kjernefaga i forretningsjusen vere vel så relevant som breidda av fagområde ein er innom gjennom den ordinære jusutdanninga. Dette er eit kunnskapsfelt det er stor etterspurnad etter.

Kva er det desse kandidatane har som gjer dei ettertrakta?

I eit stadig meir kompleks næringsliv med stort behov for innovasjon og nytenking stillast tilsvarande høge krav til kandidatar som skal frå studietida og ut i næringslivet. Innan næringslivet vil det vere ein stor fordel å ha spesialkunnskapar også innan blant anna rekneskap og økonomi for å forstå det juridiske regelverket. Det tradisjonelle profesjonsstudiumet i rettsvitskap gjer ei brei og grundig forståing av juss, men ofte kan ordinære jusstudentar mangle økonomisk forståing, både innanfor rekneskap og annan generell bedriftsøkonomi.

For bedriftar med stillinger kor det er behov for kunnskap og forståing for både juss og økonomi, vil kandidatar med bakgrunn og grunnleggande forståing innan begge fagområde vere svært attraktive. Kandidatar med ein slik juridisk utdanning med økonomifokus vil kunne utføre rettslege analysar som er aktuelle ut frå økonomiske og kommersielle vurderingar.

Studentar med mastergrad i forretningsjus har eit breitt kunnskapsfelt som mange bedriftar ser etter, uavhengig av type industri.

Kva kan ein gjere med bakgrunn i forretningsjus hos for eksempel EY?

Ein stor del av tenestene som EY tilbyr sine klientar er i skjæringspunktet mellom juss og økonomi. Juridiske vurderingar er ofte ein større eller mindre del av veldig mange oppdrag me står overfor. Selskapsbeskatning, internasjonal beskatning, merverdiavgift og annan tradisjonell forretningsjus er alle tenester og oppdrag innanfor skatteavdelinga til EY, der kunnskap om både økonomi og juss er essensielt for å kunne levere eit best mogleg produkt til våre klientar.