Parkering på campus Ullandhaug

Ta buss eller sykkel

Det er få parkeringsplassar på campus Ullandhaug.

UiS jobbar for å redusere bilbruken til og frå universitetsområdet og oppmodar alle til å gå, sykle eller reise kollektivt til universitetsområda dersom det er mogleg. Det er også fleire bysykkelstativ på campus.

Sykkelparkering

Det er fleire sykkelparkeringar på campus Ullandhaug - og sykkelparkering under tak finst utanfor dei fleste bygga. Låsbare sykkelskur finner du på følgende steder:

• Kjelleren i Elise Ottesen Jensen-bygget: ope kun for tilsette ved UiS (bruk tilsettekort)
• Utanfor Energisentralen: ope for tilsette ved UiS (bruk tilsettekort). Studentar må søke tilgang hos Driftsenheten ved UiS
• Utanfor Hagbard Lines hus: ope for alle, må søke tilgang hos Driftsenheten ved UiS
• I Hulda Garborg-bygget: ope for tilsette med eigen nøkkel som kan rekvireres frå Driftsenheten
• SiS Studenthus: Eigen parkering for tilsette som jobbar i huset og ei stor parkering som er ope for alle studentar og tilsette.

Du kan søke i kartet Mazemap for å finne parkeringane. Skriv sykkelparkering i søkefeltet. Du får tilgang til sykkelskuret ved å kontakte Driftsenheten ved UiS.

Det er og planlagt sykkelparkering i kjellaren på SiS studenthus. Meir informasjon vil vere tilgjengeleg når studenthuset opnar.

Garderobar og tørkeskap

Du finn låsbare tørkeskap og garderobar med dusj i:

• underetasjen av Hagbard Lines hus, inngang ved gymsalen
• Kjølv Egelands hus E-120 a og b. Du får tilgang frå Driftsenheten for å komme til tørkeskap og garderobar i KE-hus

Hugs å ta med eigen lås til skapet!

Parkering mot avgift 

UiS innfører parkeringsavgift på campus Ullandhaug frå 1. september 2025.  

Prisar: 

• Normalprisen for studentar og tilsette er 6,25 kroner timen i tidsrommet 08.00–16.00, maksimalt 50 kroner dagen. Resten av døgnet er det gratis parkering for tilsette og studentar. 

• Enkelte stader, blant anna på Hestmarka lengst øst på campus Ullandhaug, vil det vere halv pris for tilsette og studentar.  

• Gjestar betaler 20 kroner timen heile døgnet og maksimalt 200 kr dagen.   

• Det er 20 prosent rabatt på alle prisar ved bruk av elbil. 

• Lading av elbil vil koste 2,50 kr per kilowattime for alle brukarar, slik som i dag. Ordinær parkeringsavgift kjem i tillegg. 

Slik fungerer det 

Registrering og betaling skjer gjennom Apcoas mobilapp (APCOA FLOW). Appen må brukast kvar gong du parkerer – det er ikkje automatisk skiltgjenkjenning. 

Alle betaler den høgare gjestesatsen dersom betalinga skjer via betalingsautomat. 

Du kan også bruke Easypark-appen, men då må du betale gjestesatsen og eit administrasjonsgebyr i tillegg. 

Tilsette og studentar treng ikkje lenger søkje om parkeringsbevis frå UiS, men får automatisk tilsette-/studentprisar ved bruk av Apcoa-appen. Studentar og tilsette må logge inn med Feide og registrere bilen sin. UiS kjem tilbake med ei meir detaljert rettleiing for dette etter 15. august, i denne artikkelen og andre UiS-kanalar. 

Med parkeringsbevis for rørslehemma er det gratis parkering på HC-parkeringsplassar. Dette kan du få frå kommunen.   

Apcoa kjem til å ha parkeringsvakter på området, og du kan få bot dersom du ikkje følgjer parkeringsreglane. 

Parkering før september 

I tida før 1. september er det i praksis gratis parkering på universitetsområdet, med unntak av reserverte enkeltplassar som er merkt individuelt. 

Ladeplassar

Det er 16 ladeplassar ved Hagbard Line-huset, 7 plassar ved Paviljong 14, 8 plasser ved Lyspæren Innovasjonshus og 4 ved Hulda Garborgs hus.

Du betalar for lading i Easyparks app eller på Easypark nettside.OBS! Frå 1. september 2025 bytter vi over til Apcoa og du må då bruke deira app/nettside.

Når ladaren er klar lyser eit grønt lys, under lading lyser det blått, før det lyser grønt igjen når bilen er ferdig lada.

Gjesteparkering

Gjesteparkering finn du på parkering nr. fem på Hestmarka i nærheten av Kjell Arholms hus. Sjå korleis du finn fram i Mazemap.

Det kan vere vanskeleg å finne parkeringsplassar, særlig ved semesterstart. Vi oppmodar difor gjester å vere ute i god tid ved arrangement. Alternativt er det eit godt kollektivtilbod til campus.

Kontakt

Har du spørsmål om parkering? Ta kontakt på servicetelefonen 976 96 442.