Nordisk og lesevitskap - masterstudium

Masterprogrammet fører fram til graden master i nordisk og lesevitskap.

Programmet byggjer på bachelorgrad med spesialisering i nordisk språk og litteratur eller anna utdanning som gjev tilsvarande kvalifikasjonar.

Masterprogrammet i nordisk og lesevitskap skal gje kunnskapar på høgt nivå i utvalde vitskaplege disiplinar innanfor nordistikken, inkludert kritisk literacy/kritisk lesevitskap og fagdidaktikk. Nordistikken femner om litteratur og språk frå både eldre og yngre tid.

Læringsutbytte

Kunnskap
Etter fullført emne skal studenten

• kjenna til, kunna forklåra og bruka sentrale omgrep, metodar og teoriar frå nordisk og lesevitskap
• kunna vurdera bruken av vitskapleg teori, metode og argumentasjon i den vitskaplege litteraturen om språk og litteratur
• ha avansert innsikt i delar av fagområdet gjennom temastudium og gjennom skriving av masteroppgåve i samråd med og under rettleiing av faglærar

Ferdigheiter
Etter fullført emne skal studenten

• kunna analysera og sikta kritisk ulike informasjonskjelder og bruka desse til å strukturera og formulera faglege resonnement
• kunna under rettleiing gjennomføra eit sjølvstendig, avgrensa forskingsprosjekt om eit sjølvvalt emne innanfor nordisk og lesevitskap
• kunna orientera seg i forskinga innanfor utvalde fagdisiplinar og bruka denne kunnskapen til å drøfta nye problemstillingar
• kunna presentera og drøfta vitskaplege spørsmål og resultat i omfattande skriftleg form, i samsvar med vitskaplege normer
• kunna utarbeida og framføra vitskaplege føredrag innanfor definerte tidsrammer
• meistra dei to norske målformene og kunna uttrykkja seg klårt i tale og skrift om faglege emne

Generell kompetanse
Etter fullført emne skal studenten

• ha gode språkferdigheiter og eit medvite, aktivt og kompetent forhold til språket som verktøy
• ha så god språkleg og tekstanalytisk kompetanse at ein kan rettleia og gje råd i ulike samanhengar på eiga hand
• ha eit kritisk tilhøve til ulike typar informasjonskjelder
• kunna bidra både munnleg og skriftleg i akademiske diskursar og kunna kommunisera og formidla faglege innsikter til ulike grupper i ulike samanhengar
• kunna ta kunnskapane og ferdigheitene sine i bruk på nye område og gjennomføra komplekse arbeidsoppgåver og prosjekt
• meistra ei vitskapleg framstillingsform og kunna leggja fram eit fagleg innhald klårt og presist på eit høgt nivå
• kunna bidra til nytenkjing og innovasjon

Fagplan

Studiet er delt i to. Ein fyrste del med tre masteremne på 15 studiepoeng kvar, som gjev breiddekunnskapar. Desse gjev bakgrunn for å kunna velja spesialisering i den andre delen av studiet. Den andre delen utgjer òg 60 studiepoeng, og er sett saman av ei masteroppgåve på 60 studiepoeng. Sjå emnebeskrivingane for nærmareinformasjon om innhald.

Dette er eit fulltidsstudium over to år, men ein kan søkja instituttet om overgang til deltidsstudium over fire år. Fulltids- og deltidsstudentar har sams undervisning.

Målform

I løpet av studiet skal studentane ha gjennomført prøving i minst eitt av emna på 15 studiepoeng i ei anna målform enn den dei skriv masteroppgåva i.

Hva kan du bli?

Med master i nordisk og lesevitskap kan du arbeide i skoleverket, i media, på bibliotek, kultursektoren, i forlag og innan offentleg administrasjon. Du kan jobbe med undervisning og tilretteleggjing, utvikle og skape innhold og tjenester, med rådgjevning i situasjonar kor forståing for tekst, språk og sjanger er viktig.

Med ein master i nordisk og lesevitskap vil du ha mange moglegheiter innanfor mange verksemder og kan til dømes jobbe som:

• kulturformidlar
• festivalprodusent og -sjef
• bokmeldar
• museumsdirektør
• bibliotekar
• forskar
• forlagsredaktør og -sjef
• journalist

Masterstudiet i nordisk og lesevitskap gjev, saman med praktisk-pedagogisk utdanning, lektorkompetanse.

Fullført studium kvalifiserer for å søke opptak til ph.d.-programmet i lesevitskap ved Universitetet i Stavanger.

Emneevaluering

Kvalitetssystemet på UiS omfatter studentevaluering av alle emnene.