Forskningsdagene i Stavanger-regionen 2023

Energi er tema for Forskingsdagane 2023

Energi er tett kopla til FNs bereraftsmål og opphavet til mange sentrale spørsmål i samfunnet i dag, mellom anna knytta til produksjon, distribusjon og bruk av energi, energikrise og energikostnadar, samt trygg og rettferdig tilgang på energi.

– Forsking og innovasjon på energi er viktigare enn nokon gang, og Noreg har miljø i verdstoppen, seier Mari Sundli Tveit, administrerande direktør i Forskningsrådet.

– Under Forskingsdagane 2023 skal vi vise fram norsk, banebrytande energiforsking og innovasjonar som skal vere med på å løyse dei største utfordringane verda står overfor.

Kva er Forskingsdagane?

Gjennom ei rekke forskjellige arrangement kan folk i alle aldrar og på alle kunnskapsnivå få eit innblikk i forskingsverda. Arrangementa går føre seg både på og utanfor forskarens vante arenaar for forskingsformidling.

Festivalen har blitt arrangert kvart år sidan 1995 og er ein av Europas store, nasjonale forskningsfestivalar. Kvart år peikar Forskningsrådet ut eit overordna tema for festivalen som dei fleste arrangementa handlar om på ein eller annan måte.

Festivalen startar kvart år på onsdagen i veke 38 og varer til søndagen i veke 39.

Arbeidsgruppa for Forskningsdagene Stavanger-regionen består av folk frå Jærmuseet, Museum Stavanger (MUST), NORCE, Norsk Oljemuseum, Stavanger universitetssjukehus, Tekna, Universitetet i Stavanger og VID vitenskapelige høgskole. UiS har koordinatoransvaret i regionen samt eit spesielt ansvar for ekstern kommunikasjon.