Campus Bjergsted

Bjergsted kulturpark

Med unntak av Byparken er Bjergsted kulturpark Stavangers største sentrumsnære friområde. I samband med bygginga av konserthuset vart parken utvida i retning sjøen og sentrum. Uteamfiet ved konserthuset har ein kapasitet på inntil 10.000 menneske. Til dagleg er det ein sosial møteplass i eit landskap som inviterer til leik, mylder og kunstopplevingar

Ei rik beplantning, benkar og belysning, kunstinstallasjonar, nye uteplasser mellom skulane, ein ny fotgjengarundergang som knyter konserthusamfiet til det eksisterande gangveisystemet, gjer parken endå meir brukarvenleg – for einkvar.

Bjergsted kulturpark skal vera eit nasjonalt kraftsenter for musikk og kunst.

Bjergsted kulturpark er det namnet seier: Ein park. Grønn og blomstrande vår og sommar, gyllenbrun om hausten, gråkvit om vinteren. Men alltid klar for å gje deg kulturelle opplevingar! Visjonen er at Bjergsted kulturpark skal vera eit nasjonalt kraftsenter for musikk og kunst. Noko av det særeigne med Bjergsted er det tette sambandet mellom utdanning og profesjonelle utøvarar. Bjergsted er òg senter for fritidsmusikklivet og for festivalar.

Stavanger Symfoniorkester speler ei sentral rolle i Bjergsted kulturpark i det nye konserthuset sitt. Stavanger konserthus er arena for ulike sjangrar – klassisk, pop, rock, country, soul, dans, revy, opera, teater, musikalar. Stavanger konserthus styrker mangfaldet ytterlegare og byr på framsyningar som ein tidlegare ikkje har kunna oppleva i regionen.

Kontakt

Telefon: + 47 51 83 40 00 
E-post: bjergsted@uis.no 

Besøksadresse: 
Bjergsted 1 
4007 STAVANGER 

Åpningstider i ekspedisjonen 
Mandag, onsdag og fredag: 
10:00-11:30 og 12:00-14:00. 
Stengt i lunsjen: kl. 11.30–12.00. 
Tysdag og torsdag: stengt.  

Postadresse: 
Universitetet i Stavanger 
Fakultet for utøvende kunstfag 
4036 Stavanger 

Finn fram (Mazemap)