Er populisme ei nødvendig utfordring for demokratiet?

Om forskargruppa

Dei siste tiåra har vi sett ei spreiing av anti-vitskapleg retorikk, motstand mot feminisme og rettigheitar for LHBTIQ og andre minoritetar, anti-vaksinasjonskampanjar, klimafornekting, anti-globalisering og andre ytringar knytt til ‘populisme’ som politisk praksis. Men kva er eigentleg populisme og kva betyr den populistiske utfordringa for demokratiet?

Forskargruppa "Populism, anti-gender and democracy" vart etablert i 2020. Vi samlar forskarar på tvers av fagområde for å drøfte og studera både høgre- og venstrepopulisme, samt anti-populisme. Kva påverknad og konsekvensar har dette fenomenet for demokratiet?

Målet vårt er å skapa eit kontaktpunkt for dei som forskar på populisme, både for å legga til rette for nyskapande forsking, og for å søka ekstern finansiering for samarbeidande forskingsprosjekt om populistisk politikk.

Forskargruppa arrangerer digitale seminar, "Fringe Talks", der forskarar frå norske og internasjonale forskingsmiljø inviterast til foredrag og diskusjonar med bakgrunn i nyare og pågåande forsking om populisme, polarisering og demokrati.

Du kan lesa meir om prosjektet og om kommande og framtidige Fringe Talks på den engelske sida til forskargruppa. Den finn du ved å velja "engelsk" øvst til høgre på sida, eller ved å klikka her.