SMiS Studentmållaget i Stavanger

Studentmållaget i Stavanger er lokallaget til Norsk Målungdom og Noregs Mållag på Universitetet i Stavanger. Laget arbeider for at fleire skal ta i bruk nynorsk og for å gjera tilhøva lettare for nynorskstudentar. Me skipar til arrangement som t.d. grilling, studentmållagssamlingar saman dei andre studentmållaga i landet og interessante føredrag. Studentmållaget i Stavanger blei først skipa i 2006. Etter ein periode med mindre aktivitet, blei laget skipa på nytt i 2013. Sidan me ennå er unge, vil du som medlem ha stor moglegheit til å vera med på å utforma laget. Å delta på tilskipingar er ein god måte å bli kjent med andre studentar på, og Studentmållaget i Stavanger ønskjer nye medlemmer hjarteleg velkommen! Dersom du ønskjer å vera med i Studentmållaget eller vil vita meir om oss, er det berre å ta kontakt eller å komma på ei av tilskipingane våre. Me er p.d.d 28.09.2020 30 medlemmar, så om du brenn for nynorsk, er det berre å melda seg inn.