Det teknisk-naturvitskaplege fakultet

Utdanning og forsking

Forskinga ved fakultetet er delt inn i følgande tematiske satsingsområde for perioden 2021-2030:

• Energi
• Havteknologi
• Helse og teknologi
• Digital teknologi og sikkerheit

I tillegg kjem satsingar på særs framifrå forskingsmiljø.   

Satsingsområda

Satsingsområda er strategisk valde for å følge opp endringar i samfunnet og behov for ny kunnskap innanfor våre kjerneområde: naturvitskap og teknologi. Dei representerer område i samfunnet der behovet for ny kompetanse, omstilling og ny teknologi er stort. Innanfor dei tematiske satsingane har fakultetet både fagleg tyngde og føresetnadar for å utfordre det velkjende og utforske det ukjende.

Energi

Omfattar fornybar energi, med særs fokus på havenergi og geoenergi, karbonfangst og lagring, effektive energisystem, hydrogen, og batteriteknologi og sikker, effektiv og miljøvennleg leiting og utvinning av olje og gass.

Havteknologi

Omfattar teknologi for design og drift av marine konstruksjonar for grøn energiutvinning, havbruk for berekraftig matproduksjon, gruvedrift på havbotn og miljøvennleg og effektiv transport.

Helse og teknologi

Omfattar medisinsk teknologi, bioteknologi, biomedisin og medisinsk statistikk for sikrare og betre diagnostikk og behandling.

Digital teknologi

Omfattar kunstig intelligens og robotteknologi, dataanalyse, datatryggleik, nettverksteknologi og blokkjedeteknologi.

Sikkerheit

Omfattar studiar, teoriar og metodar innanfor risikostyring og samfunnstryggleik som bidreg til planlegging og bygging av trygge, berekraftige byar og samfunn.

Ei målsetting for dei tematiske satsingsområda er å bygge opp og utvikle fleire faggrupper med høg internasjonalt anerkjend kvalitet. Meir samarbeid på tvers av fagdisiplinar, institutt og med andre fakultet er viktig for å lukkast.