Institutt for energiressursar

Institutt for energiressursar er eit sterkt fagmiljø for energiressursar, teknologi for auka oljeutvinning, beslutningsanalyse og geologi.

Publisert 14. jul. 2020. Sist oppdatert 03. jul. 2024

Fakta

Tilsette

Besøksadresse

Kjølv Egelands hus, E-blokk (3. etg), Kristine Bonnevies vei 22, 4021 Stavanger

Studentar

140

Våre laboratorier

Energiforsking ved UiS.

Om institutt for energiressursar

Institutt for energiressursar (IER) har eit internasjonalt miljø, kor tilsette og studentar kjem frå heile verda. Vi forskar på utfordringar og moglegheiter knytt til miljø- og klimavennleg energi. Viktige forskingsfelt er utvinning og lagring av energiressursar og avfall i undergrunnen, geovitskap, teknologi for betra oljeutvinning (IOR), og avgjerdsanalyse. Instituttet tilbyr studieprogram for deg som vil jobbe med leiting etter, lagring eller utvinning av naturressursar. Studieprogramma gjer deg kunnskap innan fagfelt som geoteknikk, noko som også er relevant for bygg og arkeologi.

Instituttet arbeider i lag med andre universitet, forskingsinstitusjonar og industri. Vi har fleire engelskspråklege studieprogram og mykje utveksling blant både studentar og vitskaplege tilsette. Det er rundt 45 tilsette ved instituttet.

Studietilbod

Institutt for energiressursar har eit variert studietilbod på master- og doktorgradsnivå i petroleumsrelaterte fag.

Studenter i klasserom og lab — Studentane sin geologilab. Foto: Elisabeth Tønnessen/UiS

Bachelor i geovitenskap og energiressursar

To utfordringar i samfunnet er energi og miljø. Bachelor i geo- og energiressursar bygger på geologi og teknologi knytt til energiressursar i undergrunnen. Vatn, vind og sol bidrar til energimiksen som kjem til å bestå både av fossil energi og fornybar energi – i overskuelig framtid. Alle desse elementa inngår i studieprogrammet geo- og energiressursar bachelor. (Det er ikkje opptak i dette studiet i 2024.)

Master i energi, reservoar og geovitenskap (toårig)

Energisektoren treng ingeniørar som forstår kompleksiteten i, og behovet for, ein overgang til ein berekraftig energimiks. Ei kombinert utdanning i geovitskap og reservoarteknologi vil gi deg moglegheita til å spele ei nøkkelrolle i framtidas lågutsleppssamfunn.

På dette masterstudiet lærer du meir om korleis geologiske og geofysiske metodar kan brukast for å påvisa ressursar i jordskorpa.

Master i Computational Engineering (toårig)

Dette masterprogrammet vil læra deg korleis du kan oppnå ei forståing av komplekse problemer, der ein ofte ikkje har tilstrekkeleg informasjon, med hjelp av modellar.

Ph.d. – Energiteknologi og geovitskap

Ph.d.-programmet i energiteknologi og geovitskap har spesialiseringar innanfor petroleumsgeologi, boring, reservoar og naturgass.

Enkeltemne

Du kan ta ulike enkeltemne ved instituttet.

Vi forskar på

Dei viktigaste forskingsområda ved instituttet er energiressursar, teknologi for auka oljeutvinning (IOR), beslutningsanalyse og geologi.

Instituttet leia det nasjonale IOR-senteret (2013-2021) og leiar no Nasjonalt senter for berekraftig bruk av norsk sokkel (NCS2030; 2022-2029).

Forskingsområde

Nasjonalt senter for berekraftig bruk av norsk sokkel (NCS2030)

Forskingssenteret NCS2030 skal finne løysingar som skaper mest mogleg verdi av energiressursane på norsk kontinentalsokkel, samstundes som vi når nullutsleppsmåla.

Målsettinga til senteret er å være den vitskaplege og teknologiske drivkrafta for å leggje til rette for ei energieffektiv bruk av undergrunnen som ei "berekraftig verdikjede under overflata".