Handelshøgskolen ved Universitetet i Stavanger

Forsking

• Økonomi
• Finans
• Rettsvitskap
• Organisasjon og leiing
• Marknadsføring
• Rekneskap og revisjon

Handelshøgskolen ved UiS

Vi har over 100 tilsette med høg fagleg kompetanse og gode nettverk med andre forskarar og forskingsinstitusjonar både nasjonalt og internasjonalt. Av desse er rundt 20 doktorgradsstipendiatar. Innanfor undervisning og forsking har vi nær kontakt med samfunns- og næringslivet.

Handelshøgskolen ved UiS er delt inn i tre fagavdelingar: avdeling for rekneskap og rettsvitskap, avdeling for samfunnsøkonomi og finans og avdeling for innovasjon, leiing og marknadsføring.

Det er over 1300 studentar knytt til Handelshøgskolen ved UiS. Av desse er vel 800 studentar på bachelornivå, nær 400 på masternivå og nærare 100 som følger Executive MBA-programmet. Ved å ta mastergrader hos oss kan du bli både siviløkonom og statsautorisert revisor. Grunnutdanningane på bachelornivå er innanfor økonomi og administrasjon og rettsvitskap.

Alle organisasjonar treng kompetanse for å styre den strategiske utviklinga og sikre ein berekraftig ressursbruk. Dette er kjernen i studieprogramma våre, og kandidatane blir kvalifiserte til å jobbe innanfor industri, bank og finans, revisjon og IT, administrasjon i offentleg og privat tenesteytande sektor i brei skala.

Handelshøgskolen ved UiS er medlem i det globale leiarnettverket EFMD.